Miżuri ġodda għall-ġlieda kontra l-kriminalità organizzata u t-traffikar tad-droga

Fl-2021 biss, ġew ikkonfiskati 303 tunnellati ta’ kokaina fl-UE. Biex tintensifika l-ġlieda kontra n-networks kriminali, il-Kummissjoni stabbiliet miżuri ġodda għall-ġlieda kontra l-kriminalità organizzata u l-kummerċ tad-droga.

Il-miżuri l-ġodda jinkludu 17-il azzjoni, fosthom

• it-tisħiħ tal-portijiet kontra l-infiltrazzjoni kriminali permezz ta’ Alleanza Ewropea ġdida għall-Portijiet
• iż-żarmar ta’ networks kriminali ta’ riskju għoli permezz ta’ investigazzjonijiet finanzjarji u diġitali, u kooperazzjoni msaħħa
• il-prevenzjoni tal-kriminalità organizzata permezz tal-iskambju tal-aħjar prattiki fost il-pajjiżi
• il-ħidma mas-sħab internazzjonali dwar din it-theddida globali

Il-ġlieda kontra l-kriminalità organizzata u t-traffikar tad-droga hija prijorità għall-Unjoni Ewropea, l-Istati Membri tagħha u s-sħab internazzjonali tagħha. Kull min hu involut għandu jkompli jaħdem qatigħ biex jimplimenta kompletament l-Istrateġiji tal-UE dwar il-Kriminalità Organizzata u d-Drogi. Il-Kummissjoni se tieħu aktar passi din is-sena u s-sena d-dieħla inklużi miżuri leġiżlattivi, appoġġ finanzjarju, u l-ħolqien ta’ Aġenzija tal-UE dwar id-Drogi sas-sajf tal-2024.

Għal aktar informazzjoni

Il-politika tal-UE dwar id-drogi

Skeda informattiva dwar il-miżuri l-ġodda għall-ġlieda kontra l-kriminalità organizzata u t-traffikar tad-droga

Stqarrija għall-istampa: Il-Kummissjoni stabbiliet Pjan Direzzjonali tal-UE ġdid ta’ miżuri ta’ prijorità għall-ġlieda kontra l-kriminalità organizzata u t-traffikar tad-droga

Mistoqsijiet u tweġibiet dwar il-miżuri l-ġodda għall-ġlieda kontra l-kriminalità organizzata u t-traffikar tad-droga