Glaonna ar thairiscintí – cumarsáid

Nuashonrú 29/09/2023

D’fhoilsigh an Coimisiún Eorpach, Ard-Stiúrthóireacht na Cumarsáide (COMM), glao ar Iarrataí in in Iris Oifigiúil an Aontais Eorpaigh an 19/07/2023 ar pháirt a ghlacadh i gCóras Dinimiciúil Ceannaigh (DPS) a bhaineann le rannpháirtíocht na saoránach agus le pléphróisis agus atá roinnte i gceithre chatagóir (438876-2023; 437370-2023; 438340-2023; 438461-2023) .

Déanfar na chéad mhionchomórtais faoi Chatagóir 1 – Próisis Rannpháirteacha agus Pléphróisis Uile-Eorpacha nó Ilnáisiúnta (438876-2023) agus faoi Chatagóir 4 – Socrú, Modhnóireacht agus Anailís na nArdán Digiteach (438461-2023) a sheoladh go han-luath. Cé go bhfuil teorainn ama ceithre bliana le dul isteach sa DPS féin, ní bheidh gach mionchomórtas ar oscailt ach do chuideachtaí a ligeadh isteach sa DPS cheana nuair a bheidh an mionchomórtas á sheoladh.  Molann AS COMM do na hoibreoirí eacnamaíocha uile ar spéis leo é a n-iarratas a chur isteach ar an ardán Mercell, ionas go mbeidh siad in ann páirt a ghlacadh sna mionchomórtais sin atá ar na bacáin faoin DPS.

Nuashonrú 19/07/2023

An 19/07/2023 d’fhoilsigh an Coimisiún Eorpach, Ard-Stiúrthóireacht na Cumarsáide (COMM), glao nua in Iris Oifigiúil an Aontais Eorpaigh ar pháirt a ghlacadh i gCóras Dinimiciúil Ceannaigh atá roinnte i gceithre chatagóir (438876-2023; 437370-2023; 438340-2023; 438461-2023) agus díriú ar shaineolas agus ar acmhainneacht chun tacú lena riachtanais mhéadaitheacha i dtaca le rannpháirtíocht na saoránach a spreagadh sa cheapadh beartas.

Gach oibreoir eacnamaíoch atá in ann seirbhísí a sholáthar a bhaineann le rannpháirtíocht na saoránach agus le pléphróisis, iarrtar orthu a n-iarratas ar rannpháirtíocht a chur isteach.

Bheadh sé sin ina ábhar spéise go háirithe d’eagraíochtaí agus do chuideachtaí a bhfuil taithí acu ar fhormáidí rannpháirtíochta agus plé éagsúla a phleanáil, a dhearadh agus a chur chun feidhme; d’eintitis atá oilte sa tsampláil shrathaithe le haghaidh roghnú randamach rannpháirtithe ó gach cearn den Eoraip le haghaidh cleachtaí rannpháirtíochta ar scálaí éagsúla faoi stiúir an Choimisiúin; agus d’eintitis a bhfuil taithí acu ar ardáin dhigiteacha rannpháirtíochta a bhunú, a mhodhnú agus a anailísiú.

Is nós imeachta soláthair dhá chéim é an DPS, a bhíonn fós ar oscailt d’iontrálaithe nua le linn a shaolré. Ar an gcéad dul síos, iarrthóirí ar spéis leo dul isteach sa DPS, ní mór dóibh iarratas a chur isteach ar líne ar an ardán Mercell.Nuair atá gá le seirbhísí, tabharfar cuireadh do gach rannpháirtí a ligtear isteach sa DPS tairiscintí a chur isteach chuig mionchomórtas ina sonrófar raon feidhme na seirbhísí is gá agus an chatagóir lena mbaineann.

D’fhéadfadh sé go mbeadh na chéad mhionchomórtais seolta cheana féin i bhfómhar 2023, go háirithe maidir le heagrú féideartha na bPainéal Saoránach Eorpach.

Tá an Coimisiún Eorpach ag féachaint le gníomhaireachtaí fógraíochta agus cumarsáide a chur ar conradh le haghaidh feachtais faisnéise agus cumarsáide. Baineann na seirbhísí is gá le feachtais chomhtháite faisnéise agus chumarsáide a dhearadh, a chur chun feidhme agus meastóireacht a dhéanamh orthu. Ina measc sin tá táirgeadh ábhair (e.g. uirlisí closamhairc, eagarthóireachta agus digiteacha), scaipeadh trí chainéil éagsúla meán, monatóireacht agus tomhas feidhmíochta, agus seirbhísí bainistithe tionscadal. Ina theannta sin, éilíonn na seirbhísí creatchonartha logánú, inbhuanaitheacht chomhshaoil, agus inrochtaineacht i ngach gné de na feachtais. Tiocfaidh deireadh leis an gcreatchonradh atá ann faoi láthair an 27/10/2025 agus baineann an Coimisiún úsáid fhorleathan as na seirbhísí faoi le haghaidh feachtais thábhachtacha chumarsáide corparáidí. Chun tuilleadh sonraí a fháil faoin mbealach le hiarratas a dhéanamh, téigh chuig: Tairseach Cistithe agus Tairiscintí an Aontais | Tairseach Cistithe agus Tairiscintí an Aontais