Għandek 18-il sena, tgħix f’wieħed mill-pajjiżi tal-UE jew tal-Erasmus+, u tixtieq tiskopri l-Ewropa? Aħtaf dan iċ-ċans!
L-UE qed toffri passes tal-ivvjaġġar liż-żgħażagħ biex jivvjaġġaw u jesploraw l-UE. L-applikazzjonijiet miftuħin — applika qabel il-15 ta’ Ottubru 2026 f’nofsinhar, ħin ta’ Brussell. U dan mhux kollox; tista’ tivvjaġġa ma’ grupp ta’ ħbieb jekk tissottomettu l-applikazzjoni flimkien.
Jekk tintgħażel, tirċievi pass tal-ivvjaġġar għall-mezzi tat-trasport l-aktar ekoloġiċi, bħall-ferrovija (jew modi oħrajn tat-trasport f’każijiet speċifiċi). Tista’ tivvjaġġa għal massimu ta’ 7 ijiem f’perjodu ta’ xahar, fi kwalunkwe żmien bejn l-1 ta’ Marzu 2027 u l-31 ta’ Mejju 2028. Se tirċievi wkoll kard tal-iskontijiet tad-DiscoverEU li toffrilek bosta skontijiet fuq l-akkomodazzjoni, il-kultura, l-isport, it-trasport lokali, u servizzi oħrajn.
Jekk għandek diżabbiltà jew problema ta’ saħħa li jagħmluhielek diffiċli biex tivvjaġġa, noffrulek assistenza u sostenn.
L-appoġġ għaż-żgħażagħ huwa wieħed mill-prijoritajiet ewlenin tal-UE. L-inizjattiva DiscoverEU hi parti mill-programm Erasmus+. Liż-żgħażagħ ta’ 18-il sena toffrilhom l-opportunità li jivvjaġġaw u jesploraw id-diversità tal-Ewropa, jitgħallmu dwar il-wirt u l-istorja kulturali tagħha, u jibnu kuntatti ma’ nies oħrajn minn madwar il-kontinent kollu.
Għal aktar informazzjoni
Storja dwar iż-Żgħażagħ Ewropej: Oħlom kemm tiflaħ. Aġixxi issa.
- Data tal-pubblikazzjoni
- 1 Ottubru 2026
- Awtur
- Id-Direttorat Ġenerali għall-Komunikazzjoni