Chuir an tUachtarán Ursula von der Leyen, atá i gceannas ar an gCoimisiún ó bhí 2019 ann, tús leis an dara sainordú le foireann nua Coimisinéirí an 1 Nollaig 2024.
Sainordú reachtach nua
Tá tosaíochtaí an Choimisiúin Eorpaigh le haghaidh 2024-2029 sainithe ag an Uachtarán, in éineacht le Coláiste nua na gCoimisinéirí, bunaithe ar na Treoirlínte Polaitiúla a cuireadh faoi bhráid Pharlaimint na hEorpa lá a tofa.
Cuirfidh na tosaíochtaí sin leis an obair a rinneadh sna cúig bliana roimhe sin agus díreoidh siad ar thodhchaí na hEorpa a neartú agus torthaí a bhaint amach dá saoránaigh sna blianta amach romhainn.
Maidir leis an gCoimisiún Eorpach 2019-2024
Sa tréimhse 2019-2024, d’oibrigh Coimisiún von der Leyen gan stad gan staonadh chun a ghealltanais a chomhlíonadh agus cuid de na dúshláin ba mhó a bhí roimh an Eoraip riamh a shárú ag an am céanna. Ó dhul i ngleic le paindéim dhomhanda go freagairt ar chogadh foghach brúidiúil na Rúise san Úcráin, chuaigh sé i ngleic le dúshláin urghnácha go díreach.
Tuilleadh eolais faoin gcéad Choimisiún faoi stiúir von der Leyen (2019-2024)