Programmi ta’ finanzjament tal-UE

Programmi u fondi tal-UE ffinanzjati mill-baġit tal-UE u min-NextGenerationEU

Il-lista ta’ hawn taħt tipprovdi ħarsa ġenerali lejn l-opportunitajiet ta’ finanzjament iffinanzjati mill-Qafas Finanzjarju Pluriennali 2021-2027 u min-NextGenerationEU skont l-intestatura , il-cluster, u l-programm jew il-fond (il-biċċa l-kbira tal-programmi implimentati taħt ġestjoni kondiviża jissejħu “fondi”).

Aktar elementi, inklużi links għas-sejħiet, se jiżdiedu mal-paġni tal-programm hekk kif isiru disponibbli.

Ara wkoll il-fuljett il-ġdid dwar il-QFP 2021-2027 u n-NextGenerationEU

Intestatura 1: Suq Uniku, Innovazzjoni u Diġitali

Riċerka u innovazzjoni

Orizzont Ewropa 
Impatt xjentifiku, teknoloġiku, ekonomiku, ambjentali u soċjetali; appoġġ għall-forom kollha ta’ riċerka u innovazzjoni.

Programm ta' Riċerka u Taħriġ tal-Euratom
L-Euratom għandha l-għan li twettaq attivitajiet ta’ riċerka u taħriġ nukleari b’enfasi fuq it-titjib kontinwu tas-sikurezza, is-sigurtà u l-protezzjoni mir-radjazzjoni nukleari.

ITER
Proġett internazzjonali ambizzjuż biex tinbena l-akbar magna ta’ fużjoni fid-dinja, tiġi avvanzata t-teknoloġija tal-enerġija mill-fużjoni għal taħlita tal-enerġija aktar ekoloġika u aktar sostenibbli.

Investimenti Strateġiċi Ewropej

InvestEU
Nipprovdu lill-UE b’finanzjament kruċjali fit-tul, li jattira l-investiment privat, li jappoġġja l-irkupru u Ewropa aktar ekoloġika, aktar diġitali u reżiljenti.

Faċilità Nikkollegaw l-Ewropa
L-appoġġ għat-twassil ta’ infrastruttura ewlenija tal-enerġija, tat-trasport u diġitali fl-Ewropa kollha.

Programm Ewropa Diġitali
Il-Programm Ewropa Diġitali huwa l-ewwel programm tal-UE li għandu l-għan li jħaffef l-irkupru u jixpruna t-trasformazzjoni diġitali tal-Ewropa.

Suq Uniku

Programm tas-Suq Uniku
L-għoti tas-setgħa u l-protezzjoni tal-konsumaturi; l-iżgurar tas-sikurezza tal-ikel, li jippermetti lill-intrapriżi żgħar u ta’ daqs medju tal-UE jirnexxu.

Programm tal-UE Kontra l-Frodi
Il-protezzjoni tal-interessi finanzjarji tal-UE; tagħmir, għarfien u taħriġ speċjalizzat.

Kooperazzjoni fil-qasam tat-tassazzjoni (FISCALIS)
Il-programm Fiscalis jippermetti lill-amministrazzjonijiet nazzjonali tat-taxxa joħolqu u jiskambjaw informazzjoni u għarfien espert.

Kooperazzjoni fil-qasam tad-dwana (CUSTOMS)
Id-dwana tappoġġja l-kooperazzjoni bejn l-awtoritajiet doganali u tipproteġi l-interessi finanzjarji u ekonomiċi tal-UE u l-Istati Membri tagħha.

Spazju

Programm Spazjali Ewropew
Il-politika spazjali tal-UE; it-teknoloġija u l-innovazzjoni satellitari; id-data, in-navigazzjoni u s-servizzi ta’ komunikazzjoni; il-ġlieda kontra t-tibdil fil-klima; ir-rispons għad-diżastri.

Intestatura 2: Koeżjoni u Valuri

Żvilupp Reġjonali u Koeżjoni

Fond Ewropew għall-Iżvilupp Reġjonali (FEŻR)
It-tisħiħ tal-koeżjoni ekonomika, soċjali u territorjali tal-UE billi jiġu kkoreġuti l-iżbilanċi bejn ir-reġjuni permezz ta’ programmi implimentati mill-awtoritajiet lokali.

Fond ta’ Koeżjoni (FK)
Il-Fond ta’ Koeżjoni għandu l-għan li jnaqqas id-disparitajiet ekonomiċi u soċjali u li jippromwovi l-iżvilupp sostenibbli.

REACT-EU
Finanzjament addizzjonali għall-programmi ta’ koeżjoni 2014-2020 eżistenti taħt il-FEŻR, l-FSE u l-FEAD.

Appoġġ lill-Komunità Ċiprijotta Torka
Il-Programm ta’ Għajnuna għandu l-għan li jiffaċilita r-riunifikazzjoni ta’ Ċipru.

Irkupru u Reżiljenza

Faċilità ta’ Rkupru u Reżiljenza
Il-Faċilità għall-Irkupru u r-Reżiljenza hija l-istrument ewlieni tan-NextGenerationEU biex tgħin lill-UE toħroġ aktar b’saħħitha u aktar reżiljenti mill-kriżi attwali.

Strument ta’ Appoġġ Tekniku
L-Istrument ta’ Appoġġ Tekniku jipprovdi għarfien espert tekniku mfassal apposta għall-pajjiżi tal-UE biex iwettqu r-riformi.

Protezzjoni tal-Euro kontra l-Falsifikazzjoni
Il-prevenzjoni u l-ġlieda kontra l-falsifikazzjoni u l-frodi relatata u l-preżervazzjoni tal-integrità tal-karti tal-flus u l-muniti tal-euro.

Mekkaniżmu tal-Unjoni għall-Protezzjoni Ċivili (rescEU)
It-tisħiħ tal-kooperazzjoni bejn l-Istati Membri tal-UE u 6 Stati Parteċipanti fil-qasam tal-protezzjoni ċivili.

UE għas-Saħħa
Investiment f’sistemi tas-saħħa reżiljenti, ekwi u moderni, it-titjib tas-saħħa taċ-ċittadini tal-UE u l-protezzjoni tan-nies minn theddid transfruntier għas-saħħa.

Investiment fil-Persuni, il-Koeżjoni Soċjali u l-Valuri

Fond Soċjali Ewropew Plus
Il-Fond Soċjali Ewropew Plus (FSE+) hu l-istrument ewlieni tal-UE għall-investiment fin-nies bl-għan li tinbena Ewropa aktar soċjali u inklużiva.

Erasmus+
Appoġġ għall-iżvilupp edukattiv, professjonali u personali tal-persuni fl-edukazzjoni, it-taħriġ, iż-żgħażagħ u l-isport.

Korp Ewropew ta’ Solidarjetà
Għaż-żgħażagħ li jixtiequ jagħmlu volontarjat biex jgħinu lill-persuni żvantaġġati, jipprovdu għajnuna umanitarja, jikkontribwixxu għall-azzjoni meħuda dwar is-saħħa u l-ambjent.

Programm tal-Ġustizzja
It-tisħiħ tad-demokrazija, l-istat tad-dritt, u d-drittijiet fundamentali.

Programm dwar iċ-Ċittadini, l-Ugwaljanza, id-Drittijiet u l-Valuri
Il-protezzjoni u l-promozzjoni tad-drittijiet u l-valuri kif minquxa fit-Trattati tal-UE u fil-Karta tad-Drittijiet Fundamentali.

Ewropa Kreattiva
Ewropa Kreattiva hu l-programm tal-Kummissjoni Ewropea għall-għoti ta’ appoġġ lis-setturi kulturali u awdjoviżivi.

Intestatura 3: Riżorsi Naturali u Ambjent

Agrikoltura u Politika Marittima

Fond Agrikolu Ewropew ta’ Garanzija (FAEG)
Il-FAEG jiffinanzja appoġġ għall-introjtu għall-bdiewa tal-UE u miżuri biex jistabbilizzaw is-swieq agrikoli.

Fond Agrikolu Ewropew għall-Iżvilupp Rurali (FAEŻR)
Il-FAEŻR jipprovdi finanzjament biex jappoġġja ż-żoni rurali u jsaħħaħ is-setturi agroalimentari u tal-forestrija tal-UE.

Fond Ewropew għall-Affarijiet Marittimi, is-Sajd u l-Akkwakultura
Politika komuni tas-sajd, politika marittima, akkwakultura, żvilupp sostenibbli.

Ambjent u Azzjoni Klimatika

Programm għall-Ambjent u l-Azzjoni Klimatika (LIFE)
Biex tinkiseb il-bidla lejn ekonomija sostenibbli, ċirkolari u reżiljenti, jiġi protett u rrestawrat l-ambjent, jitwaqqaf u jitreġġa’ lura t-telf tal-bijodiversità.

Fond għal Tranżizzjoni Ġusta
Appoġġ għat-transizzjoni lejn in-newtralità klimatika billi jittaffa l-impatt soċjoekonomiku fir-reġjuni l-aktar affettwati.

Intestatura 4: Migrazzjoni u Ġestjoni tal-Fruntieri

Migrazzjoni

Fond għall-Ażil, il-Migrazzjoni u l-Integrazzjoni
Migrazzjoni, Ażil u Integrazzjoni; Sistema Ewropea Komuni tal-Ażil; Ġestjoni tal-Migrazzjoni; Solidarjetà.

Ġestjoni tal-Fruntieri

Fond għall-Ġestjoni Integrata tal-Fruntieri
Ġestjoni tal-Fruntieri; Politika komuni tal-UE dwar il-Viżi; Gwardja Ewropea tal-Fruntiera u tal-Kosta, Tagħmir ta’ Kontroll Doganali fil-Punti tal-Fruntieri u Laboratorji Doganali.

Intestatura 5: Sigurtà u Difiża

Sigurtà

Fond għas-Sigurtà Interna
Is-Sigurtà tal-Unjoni; l-Indirizzar tar-radikalizzazzjoni, it-terroriżmu, iċ-ċiberkriminalità, il-kriminalità organizzata; il-protezzjoni tal-vittmi tal-kriminalità.

Dekummissjonar tas-siti nukleari (Litwanja)
L-iżgurar tal-għeluq sikur ta’ reatturi nukleari qodma, il-protezzjoni tal-ambjent u tas-saħħa tal-bniedem.

Sikurezza Nukleari u Dekummissjonar
L-iżgurar tal-għeluq sikur ta’ reatturi nukleari qodma, il-protezzjoni tal-ambjent u tas-saħħa tal-bniedem.

Difiża

Fond Ewropew għad-Difiża
Il-Fond Ewropew għad-Difiża huwa l-inizjattiva ewlenija tal-Kummissjoni biex, permezz tal-baġit tal-UE, tappoġġja r-riċerka kollaborattiv u l-iżvilupp ta’ kapaċitajiet tad-difiża.

Intestatura 6: Viċinat u d-Dinja

Azzjoni Esterna

Ewropa Globali: Strument ta’ Viċinat, ta’ Kooperazzjoni għall-Iżvilupp u ta’ Kooperazzjoni Internazzjonali
L-Ewropa Globali hija l-għodda finanzjarja ewlenija tal-UE li tikkontribwixxi għal żvilupp sostenibbli, paċi u stabbiltà fid-dinja kollha.

Għajnuna Umanitarja
Kull meta jkun hemm diżastru jew emerġenza umanitarja, l-UE tipprovdi assistenza għall-pajjiżi u l-popolazzjonijiet milqutin.

Politika Estera u ta’ Sigurtà Komuni
Il-PESK tikkontribwixxi għall-objettivi tal-preżervazzjoni tal-paċi, il-prevenzjoni tal-kunflitti u t-tisħiħ tas-sigurtà internazzjonali.

Pajjiżi u Territorji Extra-Ewropej
Il-promozzjoni tal-iżvilupp ekonomiku u soċjali tal-Pajjiżi u t-Territorji extra-Ewropej, iż-żieda tar-reżiljenza u l-kompetittività tagħhom, it-tnaqqis tal-vulnerabbiltà.