Glenn Micallef

Responsabbiltajiet

Glenn Micallef huwa l-Kummissarju għall-Ekwità Interġenerazzjonali, il-Kultura, iż-Żgħażagħ, u l-Isport. Il-kompitu tiegħu hu li jagħti liż-żgħażagħ aktar libertà, vuċi, u responsabbiltà fis-soċjetajiet tagħna, filwaqt li jibni fuq dak li jgħaqqadna flimkien fid-diversità, mill-wirt kulturali tagħna għall-isport fil-livelli kollha.

Għandu r-responsabbiltà li:

• iħejji Strateġija dwar l-Ekwità Interġenerazzjonali biex jiġi żgurat li l-interessi tal-ġenerazzjonijiet preżenti u futuri jiġu rispettati fit-tfassil tal-politika u tal-liġijiet
• jiggarantixxi li l-vuċijiet taż-żgħażagħ jinstemgħu biex jgħinu fit-tiswir tal-futur tal-Ewropa, inkluż billi jiġu kkoordinati d-Djalogi ta’ Politika maż-Żgħażagħ li kull wieħed u waħda mill-Kummissarji se jorganizzaw darba fis-sena, u jgħin biex jitwaqqaf il-Bord Konsultattiv taż-Żgħażagħ għall-President
• jiżviluppa Kumpass Kulturali ġdid biex jiggwida u jisfrutta d-diversi dimensjonijiet tal-kultura, b’enfasi fuq it-titjib tal-kundizzjonijiet tax-xogħol tal-artisti u tal-professjonisti kulturali
• jaħdem fuq strateġija biex jissaħħaħ il-Mudell Ewropew tal-Isport u jsir l-aħjar użu mill-potenzjal tal-attività fiżika sabiex tittejjeb is-saħħa fiżika u mentali tan-nies
• jaħdem fuq pjan ta’ azzjoni kontra l-bullying ċibernetiku u fuq l-implimentazzjoni tal-Istrateġija tal-UE dwar id-Drittijiet tat-Tfal
• jissokta bil-ħidma fuq il-prospettiva strateġika biex jiġu identifikati żviluppi fix-xejriet, fir-riċerka, u fit-teknoloġija li se jolqtu l-ġenerazzjonijiet futuri

Kompli aqra dwar il-politika tal-Kummissjoni dwar iż-żgħażagħ u dwar l-isforzi biex jiġu sostnuti l-kultura u l-isport.

Ara kollox

Trasparenza

Laqgħat u missjonijiet

Bħala parti mill-impenn tal-Kummissjoni favur it-trasparenza, il-Kummissarji u l-membri tal-kabinetti tagħhom jippubblikaw informazzjoni dwar il-laqgħat kollha li jkollhom mar-rappreżentanti ta’ gruppi ta’ interess kif ukoll il-minuti tagħhom. Kull xahrejn, jippubblikaw ukoll rapport ġenerali dwar l-ispejjeż tal-missjonijiet.

• Laqgħat mal-Kummissarju Micallef
• Laqgħat mal-membri tal-Kabinett tal-Kummissarju Micallef
• Missjonijiet tal-Kummissarju Micallef

Smigħ quddiem il-Parlament Ewropew

Aqra t-tweġibiet li ta l-Kummissarju Micallef għall-kwestjonarju tal-Parlament Ewropew.

Dikjarazzjoni tal-interessi

Kull Kummissarju jippubblika dikjarazzjoni tal-interessi, f’konformità mal-Kodiċi ta’ Kondotta tal-Kummissjoni għall-Membri tal-Kummissjoni. Fil-qiegħ ta’ din il-paġna qed tiġi ppubblikata verżjoni awtentika u ffirmata. Kif jitlob il-Kodiċi ta’ Kondotta, se tkun disponibbli wkoll verżjoni li tinqara mill-magni tad-dikjarazzjonijiet kollha.