Hemm bżonn ta’ aktar azzjoni kollettiva biex titħaffef it-tranżizzjoni diġitali

L-ewwel rapport dwar l-istat tad-Deċennju Diġitali juri li jeħtieġ li naċċelleraw u napprofondixxu l-isforzi kollettivi tagħna biex immexxu ’l quddiem it-tranżizzjoni diġitali tal-Ewropa. Biex dan jinkiseb, hu kruċjali li jkun hemm il-kooperazzjoni bejn l-Istati Membri, l-adozzjoni ta’ miżuri ta’ politika, u aktar investimenti.

Ir-rapport juri li l-ħiliet diġitali għandhom ikunu fiċ-ċentru tal-azzjonijiet tal-UE u tal-Istati Membri. Neħtieġu riformi biex nedukaw, nattiraw u nżommu t-talent. Jeħtieġ li niżguraw li s-servizzi pubbliċi diġitali jkunu aċċessibbli għal kulħadd, u li nipprovdu lil kulħadd bl-għodod meħtieġa biex jibbenefika mit-trasformazzjoni diġitali. Dan jinkludi kopertura mobbli b’veloċità għolja kullimkien, aċċess online għar-rekords tas-saħħa, u l-użu tal-eIDs.

Ir-rapport iressaq rakkomandazzjonijiet konkreti, b’mod partikolari kif għandhom jingħalqu l-lakuni fl-investiment u titħaffef it-trasformazzjoni diġitali. Il-Kummissjoni se taħdem id f’id mal-Istati Membri biex timxi ’l quddiem u tilħaq l-għanijiet komuni tagħna.

Għal aktar informazzjoni

Id-Deċennju Diġitali tal-Ewropa

Skeda informattiva dwar l-Istat tad-Deċennju Diġitali

L-ewwel rapport dwar l-Istat tad-Deċennju Diġitali

Mistoqsijiet u Tweġibiet dwar l-ewwel rapport dwar l-Istat tad-Deċennju Diġitali

Stqarrija għall-istampa: L-ewwel rapport dwar l-istat tad-Deċennju Diġitali jappella għal azzjoni kollettiva biex tissawwar it-tranżizzjoni diġitali