Dan il-kalkulatur tal-muniti statiku jipprovdi lill-Kummissjoni Ewropea r-rata tal-kambju uffiċjali tal-euro u r-rati tal-konverżjoni ta’ kull xahar kif stabbiliti mill-Uffiċjal tal-Kontabilità tal-Kummissjoni Ewropea f’konformità mal-artikolu 19 tar-Regolament Finanzjarju. Dawn ir-rati jintużaw biex jiġu kkalkulati l-ammonti għar-rimborż tal-ispejjeż, l-ispejjeż tal-ivvjaġġar jew ta’ sussistenza għall-persuni esterni li jkunu qed jieħdu sehem f’laqgħat, intervisti, eċċ. fuq talba tal-Kummissjoni Ewropea. Il-kalkulatur jippermetti wkoll lill-utenti ġenerali jiksbu r-rati tal-konverżjoni tal-munita ta’ kull xahar, mix-xahar kurrenti lura sal-1994. Ir-rati indikati huma r-rati tas-suq mit-tieni sal-aħħar jum tax-xahar ta’ qabel kif ikkwotati mill-Bank Ċentrali Ewropew jew, skont id-disponibbiltà, mid-delegazzjonijiet jew sorsi xierqa oħrajn qrib dik id-data. InforEuro jipprovdi rati għal muniti kurrenti u qodma għal pajjiżi kemm ġewwa kif ukoll barra mill-Unjoni Ewropea. Għal kull munita, il-kalkulatur jipprovdi r-rati storiċi ta’ konverżjoni kontra l-euro (jew, sa Diċembru 1998, kontra l-ecu.) Dawn ir-rati tal-kambju huma disponibbli f’format elettroniku minn Marzu 1994 fil-forma ta’ files li jistgħu jiġu ddawnlowdjati. Din l-informazzjoni f’din il-paġna hi strettament informattiva fin-natura tagħha u ma tagħti ebda dritt lill-utenti. Ikkuntattjana għal aktar informazzjoni: tresorerieec [dot] europa [dot] eu (tresorerie[at]ec[dot]europa[dot]eu) Aktar informazzjoni dwar l-euro
