Kif tikklassifika Malta mal-pajjiżi tal-UE
Investiment totali
Marzu 2022
Il-finanzjament totali skont il-Fond Ewropew għal Investimenti Strateġiċi (FEIS) f’Malta kien jammonta għal €44-il miljun u hu mistenni li joħloq €211 miljun f’investimenti addizzjonali
Proġetti ta’ infrastruttura u innovazzjoni
- 2 proġetti wieħed approvat u ffinanzjat mill-Bank Ewropew għall-Investiment (BEI) b’appoġġ tal-FEIS
- madwar €33 miljun f’finanzjament totali
- mistenni jwassal għal €72-il miljun f’investimenti totali
Intrapriżi Żgħar u ta’ daqs Medju (SMEs)
- ftehim wieħed approvat ma’ bank intermedjarju ffinanzjat mill-Fond Ewropew tal-Investiment (FEI) bl-appoġġ tal-FEIS
- €11 miljun f’finanzjament totali
- mistenni jwassal għal madwar €139-il miljun f’investimenti fejn madwar 432-il SME u kumpaniji b’kapitalizzazzjoni medja mistennija jibbenefikaw minn aċċess imtejjeb għall-finanzjament
Eżempji ta’ proġetti appoġġjati mill-Pjan ta’ investiment
In-network broadband tal-mobile: GO
GO plc hija fornitur ewlieni tat-telekomunikazzjonijiet f’Malta. Bis-saħħa ta’ self ta’ EUR 28 miljun mill-BEI permezz tal-Pjan Juncker, GO qed iżżid il-firxa tan-network Fibre-To-The-Home tagħha biex tipprovdi broadband b’veloċità għolja lil eluf ta’ djar madwar il-pajjiż. Il-proġett ta’ tliet snin se jwassal għal 70,000 dar addizzjonali Maltija li se jkollhom aċċess għal internet veloċi, u dan għandu jagħmel differenza kbira kemm għan-negozji u kemm għall-familji. L-investiment se jwassal ukoll biex in-network tal-mobile jkun lest għall-5G.
Is-semikondutturi: STMICROELECTRONICS
STMicroelectronics huwa manifattur globali tas-semikondutturi. Il-kumpanija kisbet finanzjament mill-BEI taħt il-Pjan ta’ Investiment sabiex tinvesti fir-riċerka u l-iżvilupp filġenerazzjoni li jmiss ta’ semikondutturi, partikolarment fejn jidħol is-sewqan intelliġenti u d-dominju tal-”Internet of Things”. Il-kumpanija hija bbażata fi Franza, l-Italja u Malta.
Kumpaniji innovattivi: APS BANK
Il-FEI ffirma ftehim ta’ finanzjament mal-APS Bank biex tingħata spinta lis-self tagħhom lil negozji innovattivi żgħar u ta’ daqs medju. Il-ftehim hu mistenni li jagħmel disponibbli EUR 12- il miljun f’self għall-kumpaniji Maltin.
Il-lista sħiħa ta’ proġetti approvati mill-BEI appoġġjati mill-FEIS
Il-lista sħiħa ta’ ftehimiet appoġġjati mill-FEIS ma’ intermedjarji finanzjarji ffirmati mill-FEI