Sħab kummerċjali - entitajiet legali u kontijiet bankarji

Il-formola l-ġdida għas-sħab kummerċjali diġà hija fis-seħħ, u huwa essenzjali li din tibda tintuża minnufih biex ikun hemm garanzija ta’ pproċessar bla xkiel tal-ikkuntrattar u l-ordnijiet. 

Il-weblinks li kienu jiftħu l-formoli LEF u BAF li kienu jintużaw qabel se jibqgħu tajbin iżda minn issa ’l quddiem se jiftħu din il-paġna l-ġdida tas-sħab kummerċjali bil-formoli l-ġodda. Dan ifisser li l-formoli l-qodma ma għadhomx aċċessibbli għall-pubbliku.

Għal raġunijiet ta’ kontinwità tal-operat, il-formoli LEF u BAF l-antiki se jiġu aċċettati għall-validazzjoni sa tmiem l-2025 biex jiġu ġestiti mingħajr xkiel il-każijiet fejn il-partijiet terzi kkonċernati jkunu mlew il-formoli l-qodma.