X'jiġri jekk xi ħadd joġġezzjona li l-kumpanija tiegħi tipproċessa d-data personali tagħhom?

Tweġiba

L-individwi għandhom id-dritt ta' oġġezzjoni għall-ipproċessar tad-data personali fuq il-bażi ta' raġunijiet speċifiċi li jaffettwawhom. Jekk hemmx sitwazzjoni speċifika jew le għandu jiġi eżaminat fuq il-bażi ta' kull każ individwali.

Huma jistgħu joġġezzjonaw biss f'każijiet fejn l-amministrazzjoni pubblika tkun qed tipproċessa d-data fil-kuntest pubbliku tagħha jew meta l-kumpanija tkun qed tipproċessa d-data fuq il-bażi tal-interessi leġittimi tagħha. F'dawk il-każijiet, il-kumpanija/organizzazzjoni tiegħek  ma tkunx tista' tipproċessa aktar id-data sakemm ma turix li hemm bżonn tipproċessaha għal raġunijiet li jisbqu d-drittijiet u l-libertajiet tal-individwu jew li jekk id-data hija meħtieġa għall-istabbiliment, l-eżerċizzju jew id-difiża ta' talbiet legali.

L-individwi għandhom ukoll id-dritt li joġġezzjonaw fi kwalunkwe ħin għall-ipproċessar tad-data personali tagħhom għal finijiet ta' kummerċjalizzazzjoni diretta. Il-kummerċjalizzazzjoni diretta,  skont ir-Regolament Ġenerali dwar il-Protezzjoni tad-Data, tfisser kwalunkwe azzjoni minn kumpanija biex tikkomunika materjal ta' reklamar jew kummerċjalizzazzjoni, immirat lejn individwi partikolari. Il-kumpanija/organizzazzjoni tiegħek għandha tinforma lill-individwi fl-avviż ta' privatezza tagħha jew mhux aktar tard minn meta tagħmel l-ewwel komunikazzjoni mal-individwi, li se tkun qed tuża d-data personali tagħhom għall-kummerċjalizzazzjoni diretta u li għandhom id-dritt li joġġezzjonaw mingħajr ħlas. Meta persuna toġġezzjona għall-ipproċessar għal finijiet ta' kummerċjalizzazzjoni diretta, il-kumpanija/organizzazzjoni tiegħek ma tistax tipproċessa aktar id-data personali tagħhom għal dawk il-finijiet.

Eżempju

Fis-settur tal-assigurazzjoni, spiss ħafna d-data personali tkun meħtieġa għad-difiża ta' talbiet legali fil-każ ta' miżuri kontra l-frodi jew kontra l-ħasil ta' flus. F'dawk il-każijiet il-kumpaniji tal-assigurazzjoni jistgħu jirrifjutaw li jilqgħu talba tal-individwu fejn huwa joġġezzjona, fuq il-bażi ta' raġunijiet li jisbqu d-drittijiet u l-libertajiet tal-individwu.

Referenzi

• Artikolu 21; Premessi 69, 70
• Artikolu 29 Opinjoni 06/2014 tal-Grupp ta' Ħidma dwar il-kunċett ta' interessi leġittimi tal-kontrollur tad-data skont l-Artikolu 7 tad-Direttiva 95/46/KE

Example

In the insurance sector, very often the personal data is needed for the defence of legal claims in the case of anti-fraud or anti-money laundering measures. In those cases insurance companies may refuse to uphold an individual’s request to object based on reasons that override the rights and freedoms of the individual.