Chun 30 bliain de shaoránacht an Aontais Eorpaigh a cheiliúradh, tá an Coimisiún tar éis sraith beart chun cearta shaoránaigh an Aontais Eorpaigh a threisiú a chur i láthair. Treisítear leo an ceart chun saorghluaiseachta, rannpháirtíocht éifeachtach i bpróisis dhaonlathacha agus cosaint chonsalach agus saoránaigh i mbun taistil lasmuigh den Aontas.
Déanfar an méid seo a leanas leis na bearta sin:
- cuidiú le húdaráis náisiúnta rialacha a bhaineann le saorghluaiseacht laistigh den Aontas a chur i bhfeidhm mar is ceart, agus rialacha do theaghlaigh bogha ceatha san áireamh
- cosaint níos fearr agus níos fusa do shaoránaigh an Aontais a chinntiú agus iad i mbun taistil lasmuigh den Aontas trí shimpliú a dhéanamh ar nósanna imeachta agus an leas is fearr is féidir a bhaint as toscaireachtaí an Aontais agus ambasáidí náisiúnta, agus comhordú a dhéanamh ar chomhairle taistil idir Ballstáit an Aontais
- tuilleadh feabhais a chur ar rannpháirtíocht daoine faoi mhíchumas sa phróiseas toghcháin agus sraith cleachtas maidir le vótáil leictreonach ar fud an Aontais a chur ar fáil chun feidhmiú na gceart toghchánach san Aontas a chur chun cinn.
Tá Tuarascáil 2023 ar Shaoránacht an Aontais foilsithe ag an gCoimisiún chomh maith, ina dtugtar forléargas ar thionscnaimh bheartais maidir le saoránacht an Aontais a glacadh ó bhí 2020 ann agus torthaí suirbhé Eorpaigh maidir le saoránacht agus daonlathas, rud a léiríonn go mbraitheann 50% de na freagróirí go bhfuil siad ar an eolas faoina gcearta mar shaoránaigh den Aontas.
Le saoránacht an Aontais, a tugadh isteach le Conradh Maastricht in 1993, comhlánaítear an tsaoránacht náisiúnta agus tugtar cearta agus buntáistí breise do shaoránaigh thíortha an Aontais, mar shampla an neamh-idirdhealú bunaithe ar a náisiúntacht, an tsaoirse chun gluaiseacht agus cónaí i dtír eile den Aontas, agus cearta vótála sna toghcháin áitiúla agus Eorpacha agus iad ina gcónaí thar lear, i measc rudaí eile.
Tuilleadh eolais
Saoránacht an Aontais Eorpaigh
Treoraíocht maidir le saoránacht an Aontais Eorpaigh
Preaseisiúint – Sraith beart curtha i láthair ag an gCoimisiún chun cearta shaoránaigh an Aontais Eorpaigh a threisiú
Tuarascáil 2023 ar Shaoránacht an Aontais Eorpaigh
Flais-Eorabharaiméadar maidir le Saoránacht agus Daonlathas
An Eoraip Agatsa – Eolas agus comhairle maidir le cearta shaoránaigh an Aontais Eorpaigh agus a mbaill teaghlaigh
SOLVIT – Seirbhís saor in aisce ar líne darb aidhm cuidiú le saoránaigh agus le gnólachtaí réiteach a aimsiú ar fhadhbanna atá ann idir iad agus údaráis riaracháin phoiblí na mBallstát
Sonraí
- Dáta foilsithe
- 6 Nollaig 2023
- Údar
- Ard-Stiúrthóireacht na Cumarsáide