Tnedija tal-Pjattaforma għal Tranżizzjoni Ġusta - Ġimgħa Virtwali dwar ir-Reġjuni tal-Faħam fi Tranżizzjoni u Seminar dwar ir-Reġjuni Intensivi fl-Użu tal-Karbonju 29 ta’

Il-ġimgħa se tibda bit-Tnedija tal-Pjattaforma għal Tranżizzjoni Ġusta, fejn il-Kummissjoni Ewropea se tippreżenta dan il-pakkett ta’ assistenza ġdida u komprensiva, imfassal biex jgħin lill-awtoritajiet u lill-partijiet ikkonċernati jimplimentaw “tranżizzjoni ġusta”.
It-tnedija tal-Pjattaforma se tkun segwita mill-Ġimgħa Virtwali dwar ir-Reġjuni tal-Faħam fi Tranżizzjoni, organizzata mis-Segretarjat tal-Inizjattiva tar-Reġjuni tal-Faħam fi Tranżizzjoni, li tindirizza kwistjonijiet iffaċċjati speċifikament mir-reġjuni tal-faħam, il-pit u x-shale bituminuż.
Matul il-ġimgħa, ser isir ukoll seminar għall-partijiet ikkonċernati, ospitat mill-Kummissjoni Ewropea, li jiffoka fuq reġjuni li jiddependu fuq industriji intensivi fl-użu tal-karbonju.

Għal raġunijiet tekniċi, il-lingwa għas-sensiela sħiħa ta’ avvenimenti se tkun l-Ingliż biss. Niskużaw ruħna għal kull inkonvenjenza kkawżata minħabba dan. Għat-tliet sessjonijiet relatati mal-Ġimgħa Virtwali dwar ir-Reġjuni tal-Faħam fi Tranżizzjoni, il-punti ewlenin se jkunu disponibbli bil-miktub bil-Bulgaru, biċ-Ċek, bil-Ġermaniż, bil-Grieg, bil-Pollakk, bir-Rumen, bis-Slovakk, bis-Sloven u bl-Ispanjol ftit wara l-laqgħa.

Se tkun tista’ tara wkoll verżjoni reġistrata tas-sessjonijiet wara l-laqgħa. Tista’ ssib aktar informazzjoni dwar kull sessjoni u l-Just Transition Platform launch.