An t-aistriú chuig fuinneamh glan
Táirgeadh agus caitheamh fuinnimh, is iad sin is cúis le breis agus 75% d’astaíochtaí gás ceaptha teasa an Aontais. Dá bhrí sin, tá sé ríthábhachtach córas fuinnimh an Aontais a dhícharbónú chun ár spriocanna aeráide 2030 a bhaint amach agus chun go gcuirfear i gcrích straitéis fhadtéarmach an Aontais le bheith aeráidneodrach faoi 2050.
Leis an gComhaontú Glas don Eoraip, dírítear ar 3 phríomhphrionsabal le haghaidh an aistrithe chuig fuinneamh glan, rud a chuideoidh chun astaíochtaí gás ceaptha teasa a laghdú agus a chuirfidh feabhas ar cháilíocht saoil na saoránach:
- soláthar fuinnimh an Aontais atá slán inacmhainne a chinntiú
- margadh fuinnimh an Aontais atá digitithe, idirnasctha agus comhtháthaithe ina iomláine a fhorbairt
- tús áite a thabhairt d’éifeachtúlacht fuinnimh, feidhmíocht fuinnimh foirgneamh a fheabhsú agus earnáil cumhachta a fhorbairt atá bunaithe ar fhoinsí inathnuaite den chuid is mó
Is iad seo a leanas príomhchuspóirí an Choimisiúin:
- córais fuinnimh idirnasctha a fhorbairt chomh maith le greillí atá comhtháite níos fearr chun tacú le foinsí inathnuaite fuinnimh
- teicneolaíochtaí nuálacha agus bonneagar nua-aimseartha a chur chun cinn
- dlús a chur le héifeachtúlacht fuinnimh agus éicidhearthóireacht táirgí
- earnáil an gháis a dhícharbónú agus comhtháthú cliste a chur chun cinn ar fud na n-earnálacha
- tomhaltóirí a chumasú agus cuidiú leis na Ballstáit dul i ngleic leis an mbochtaineacht fuinnimh
- caighdeáin fuinnimh an Aontais agus teicneolaíochtaí ar an leibhéal domhanda a chur chun cinn
- lánacmhainneacht an fhuinnimh gaoithe amach ó chósta na hEorpa a fhorbairt
Ghlac an Coimisiún sraith tograí chun go mbeidh beartais aeráide, fuinnimh, iompair agus chánach an Aontais oiriúnach chun glanastaíochtaí gás ceaptha teasa a laghdú 55% ar a laghad faoi 2030 i gcomparáid le leibhéil 1990. Tuilleadh eolais maidir leis an gComhaontú Glas don Eoraip a chur i gcrích.
Na príomhscéalta
Chun spriocanna fuinnimh agus aeráide an Aontais Eorpaigh a bhaint amach faoi 2030, ní mór do thíortha an Aontais plean náisiúnta comhtháite 10 mbliana fuinnimh agus aeráide (NECP) a chur ar bun don tréimhse 2021 go 2030. Tugtar achoimre sna pleananna náisiúnta ar an dóigh a bhfuil sé beartaithe ag na tíortha aghaidh a thabhairt ar na cúig réimse seo a leanas: éifeachtúlacht fuinnimh, fuinneamh in-athnuaite, astaíochtaí gás ceaptha teasa a laghdú, idirnaisc, agus taighde agus nuálaíocht.
Doiciméid
Thematic factsheets on various aspects of energy and its role in delivering the Green Deal