An tSaoráid don ÚcráinTacú le téarnamh agus atógáil na hÚcráine, agus lena conair i dtreo aontachas leis an Aontas Eorpach Cad é an tSaoráid don Úcráin? Chun cabhrú leis an Úcráin maidir lena hiarrachtaí téarnaimh, atógála agus nuachóirithe, sheol an tAontas Eorpach sásra nua tacaíochta do na blianta 2024-2027. Is ionstraim thiomnaithe í an tSaoráid don Úcráin a chuirfidh ar chumas an Aontais suas le €50 billiún de thacaíocht airgeadais chobhsaí intuartha a chur ar fáil don Úcráin le linn na tréimhse sin. Is léiriú í an tSaoráid ar ghealltanas an Aontais chun tacú leis an Úcráin agus í ag tabhairt aghaidh ar chogadh foghach leanúnach na Rúise agus í ar a bealach ionsar bhallraíocht san Aontas. Seasfaidh an Eoraip taobh leis an Úcráin gach aon lá den chogadh, agus gach lá ina dhiaidh sin freisin. Is amhlaidh a dhéanann an Eoraip beart de réir a briathair. Leanfaimid de mhaoiniú agus intuarthacht a chur ar fáil, rudaí a bhfuil géarghá leo, dár gcomhpháirtí cróga ar mian leis teacht isteach san Aontas. Aidhmeanna na Saoráide Tacú le téarnamh, atógáil agus nuachóiriú na hÚcráineTacú le riachtanais mhaoinithe na hÚcráine chun go mbeidh an rialtas in ann seirbhísí poiblí gan bhriseadh a chur ar fáilInfheistíochtaí a shlógadh in earnáil phríobháideach na hÚcráine le haghaidh téarnamh eacnamaíoch agus atógáil ghastaTacú leis an Úcráin na hathchóirithe is gá a dhéanamh ar a conair i dtreo aontachas leis an AontasTacú le sochaí na hÚcráine i gcoitinne trí aghaidh a thabhairt ar iarmhairtí sóisialta an chogaidh Cén dóigh a n-oibríonn an tSaoráid? Tá an tSaoráid bunaithe ar na trí cholún seo a leanas: Colún 1: Tacaíocht airgeadais dhíreach don Úcráin D’ullmhaigh rialtas na hÚcráine plean ina leagfar amach an fhís atá aige maidir le téarnamh, atógáil agus nuachóiriú na tíre, chomh maith leis na hathchóirithe atá beartaithe aige mar chuid de phróiseas aontachais an Aontais.Má mheastar na coinníollacha a leagtar amach sa phlean seo a bheith comhlíonta, cuirfidh an tAontas tacaíocht airgeadais os cionn €38 mbilliún ar fáil don Úcráin le linn na tréimhse 2024-2027 trí mheascán d’iasachtaí (suas le €33 bhilliún) agus de dheontais.Colún 2: Creat sonrach infheistíochta don ÚcráinBunaíonn an tSaoráid creat sonrach chun dlús a chur leis an infheistíocht le haghaidh théarnamh agus atógáil na hÚcráine. Chun an méid sin a bhaint amach cuirfidh an creat ar a gcumas d’infheisteoirí leas a bhaint as ráthaíochtaí buiséid an Aontais agus as meascán de dheontais agus d’iasachtaí ó institiúidí poiblí agus príobháideacha, rud a fhágfaidh gur tarraingtí a bheidh sé infheistíocht a dhéanamh san Úcráin. Tá ráthaíochtaí agus deontais dar luach € 9.5 billiún ag gabháil leis an gCreat Infheistíochta don Úcráin. Meastar go slógfaidh sé suas le €40 billiún d’infheistíochtaí poiblí agus príobháideacha san Úcráin sna blianta amach romhainn.Colún 3: Cúnamh maidir le haontachas Tugann an tSaoráid bearta nua cúnaimh isteach chun cuidiú leis an Úcráin ailíniú le dlíthe an Aontais agus chun na hathchóirithe is gá a dhéanamh ar a conair i dtreo aontachas leis an Aontas. Cuirfear cúnamh teicniúil ar fáil d’údaráis ar an leibhéal náisiúnta, réigiúnach agus áitiúil, agus d’eagraíochtaí sochaí sibhialta. Cén dóigh a maoineofar an tacaíocht? Chun na hiasachtaí don Úcráin a mhaoiniú, tiomsóidh an tAontas Eorpach suas le €33 bhilliún ar an margadh airgeadais go dtí deireadh 2027 trí bhannaí an Aontais a eisiúint faoin straitéis aontaithe mhaoiniúcháin. Maoineofar deontais trí bhuiséad bliantúil an Aontais faoi ionstraim speisialta nua ar a dtugtar an Cúlchiste don Úcráin. Bainfear leas as an ionstraim sin gach bliain mar chuid den nós imeachta buiséadach bliantúil chun an dul chun cinn a dhéanann an Úcráin maidir le hathchóirithe a chur i bhfeidhm agus infheistíochtaí a úsáid a chur san áireamh. Cad iad na coinníollacha a bhaineann leis an tacaíocht? Chun an tacaíocht a fháil, ní mór don Úcráin a plean téarnaimh agus athchóirithe a chur i bhfeidhm agus seasamh leis an méid seo a leanas freisin:sásraí daonlathacha, córas parlaiminteach ilpháirtí san áireamh an smacht reachta cearta an duine, cearta daoine ar de ghrúpaí mionlaigh iad san áireamh A luaithe is féidir leis an gCoimisiún a fhíorú gur comhlíonadh na coinníollacha, déanfar íocaíochtaí leis an Úcráin gach ráithe. Beidh ar an gCoimisiún Eorpach agus ar an Úcráin leasanna airgeadais an Aontais a chosaint trí chalaois, éilliú agus coinbhleachtaí leasa a chomhrac. Tacóidh Bord Iniúchóireachta tiomnaithe leis an gCoimisiún trí mheasúnú a dhéanamh ar éifeachtacht chórais bhainistíochta agus rialaithe na hÚcráine, agus seiceálacha iniúchóireachta rialta á ndéanamh aige ar an láthair agus idirchaidreamh aige le húdaráis na hÚcráine.Ina theannta sin, féadfaidh an Chomhairle Eorpach díospóireacht a reáchtáil gach bliain maidir le cur chun feidhme na Saoráide, í bunaithe ar thuarascáil ón gCoimisiún. Más gá, iarrfaidh an Chomhairle Eorpach ar an gCoimisiún moladh a dhéanamh le haghaidh athbhreithniú ar an tSaoráid in 2026 i gcomhthéacs an chéad bhuiséid fhadtéarmaigh eile de chuid an Aontais. Reáchtálfar Idirphlé maidir leis an tSaoráid don Úcráin go rialta le Parlaimint na hEorpa gach 4 mhí ar a laghad freisin. Amlíne 13 Samhain 2025Eisíocadh níos mó ná €1.8 billiún leis an Úcráin sa chúigiú híocaíocht rialta, rud a fhágann gurb é € 24.8 billiún an tacaíocht iomlán ón Aontas a eisíocadh cheana féin faoin tSaoráid. 13 Samhain 2025Ag Comhdháil Infheistíochta 2025 idir an tAontas agus an Úcráin i Vársá, d’fhógair an Coimisiún treisiú ar an gCreat Infheistíochta don Úcráin. Fágann sé sin gur fiú €6.9 billiún gealltanais iomlána an Aontais, agus meastar go ndéanfaidh sé sin os cionn €21 bhilliún d’infheistíochtaí a ghiaráil don Úcráin.22 Lúnasa 2025Eisíocadh os cionn €3 bhilliún leis an Úcráin sa cheathrú híocaíocht rialta faoin tSaoráid don Úcráin.10 Iúil 2025Ag Comhdháil Atógála na hÚcráine 2025 sa Róimh, fógraíodh €2.3 billiún breise i gcomhaontuithe ráthaíochta agus deontais faoin gCreat Infheistíochta don Úcráin. Leis sin, fágadh gur fiú €5.7 billiún gealltanais iomlána an Aontais faoin gCreat Infheistíochta don Úcráin.1 Aibreán 2025Eisíocadh beagnach € 3.5 billiún leis an Úcráin sa tríú híocaíocht rialta faoin tSaoráid don Úcráin.6 Márta 2025Shínigh an Coimisiún Eorpach agus Grúpa an Bhainc Eorpaigh Infheistíochta (BEI) comhaontú ráthaíochta €2 bhilliún faoin gCreat Infheistíochta don Úcráin. 18 Nollaig 2024Eisíocadh beagnach €4.1 billiún leis an Úcráin sa dara híocaíocht rialta faoin tSaoráid don Úcráin.13 Lúnasa 2024Eisíocadh beagnach €4.2 billiún leis an Úcráin sa chéad íocaíocht rialta faoin tSaoráid don Úcráin.28 Meitheamh 2024Eisíocadh réamh-mhaoiniú €1.9 billiún breise leis an Úcráin faoin tSaoráid.11 Meitheamh 2024Shínigh an tAontas comhaontuithe nua ráthaíochta chun tacú le téarnamh agus atógáil na hÚcráine. Is éard atá sna comhaontuithe, a fógraíodh le linn na Comhdhála ar Théarnaimh na hÚcráine in 2024 i mBeirlín, ráthaíochtaí agus deontais dar luach €1.4 billiún agus is iad na chéad chomhaontuithe a síníodh faoi Chreat Infheistíochta na Saoráide iad. 24 Aibreán 2024Eisíocadh an dara tráthchuid de mhaoiniú eisceachtúil idirlinne leis an Úcráin faoin tSaoráid don Úcráin, méid arb ionann agus €1.5 billiún.18 Aibreán 2024Bhunaigh an tAontas an Creat Infheistíochta don Úcráin chun borradh a chur faoi infheistíochtaí ar mhaithe le téarnamh agus atógáil na tíre.15 Aibreán 2024D’fhormhuinigh an Coimisiún Plean na hÚcráine, straitéis chuimsitheach athchóirithe agus infheistíochta na hÚcráine do na 4 bliana amach romhainn. 20 Márta 2024Eisíocadh an chéad €4.5 billiún den mhaoiniú idirlinne leis an Úcráin faoin tSaoráid.Taispeáin 9 de ní eile6 Feabhra 2024Tháinig Parlaimint na hEorpa agus an Chomhairle ar chomhaontú polaitiúil maidir leis an tSaoráid don Úcráin, rud a mhol an Coimisiún ar dtús i mí an Mheithimh 2023. Naisc ghaolmhara Preaseisiúint: Comhaontú polaitiúil maidir leis an tSaoráid don ÚcráinTéarnamh agus atógáil na hÚcráineAn Úcráin agus an tAontas Eorpach
