Oiliúint ateangaireachta – bosca uirlisí

Ranganna fíorúla

Cuirimid cóitseáil agus ranganna ar líne ar fáil do chláir Mháistreachta agus iarchéime san Ateangaireacht Chomhdhála.

Tugann oiliúnóirí ateangaireachta a bhfuil taithí acu treoir do mhic léinn agus tugann siad aiseolas go cianda.

Tá níos mó ná 50 ollscoil ar fud an domhain páirteach sa ‘seomra ranga fíorúil’ seo againn.

Teagmháil: scic-virtual-classec [dot] europa [dot] eu (scic-virtual-class[at]ec[dot]europa[dot]eu)

An Stór Óráidí

Is éard atá sa Stór Óráidí uirlis ríomhfhoghlama a d’ullmhaigh Ard-Stiúrthóireacht na hAteangaireachta ina bhfuil ábhar oiliúna closamhairc do mhic léinn agus oiliúnóirí ateangaireachta comhdhála.

Tá bailiúchán d’óráidí taifeadta ann, sleachta as comhdhálacha nó cruinnithe poiblí eile agus óráidí oiliúna a d’ullmhaigh ateangairí de chuid na n-institiúidí Eorpacha. Tá siad curtha in eagar de réir teanga, leibhéal na deacrachta, an mhodha ateangaireachta agus ábhair.

Is féidir rochtain láithreach a fháil ar bhreis agus 4,000 óráid. Cuimsítear ann na 24 theanga oifigiúla uile de chuid an Aontais, teangacha roinnt de na tíortha is iarrthóirí, maille le Rúisis, Araibis agus Sínis.

• Físeán teagaisc: Mo Stór Óráidí
• Mo Stór Óráidí - tuairimí ár n-úsáideoirí

Teagmháil: SCIC-Speech-Repositoryec [dot] europa [dot] eu (SCIC-Speech-Repository[at]ec[dot]europa[dot]eu)

SCICtrain

In SCICtrain tá roinnt físeán do mhic léinn agus oiliúnóirí ina gclúdaítear raon leathan teicnící, uirlisí agus acmhainní ateangaireachta. 

Modúil oiliúna do mhic léinn ateangaireachta