*Għal data aktar dettaljata, ikkonsulta l-Bażi tad-Data tal-Eurostat dwar il-Migrazzjoni u l-Ażil.
**Dan ma jinkludix dawk li twieldu fi Stat Membru ieħor
Residenti li twieldu barra l-pajjiż għal kull pajjiż
Sors: Eurostat; “oħrajn” tinkludi permessi li nħarġu għal raġunijiet ta’ residenza biss, permessi li nħarġu lil vittmi tat-traffikar tal-bnedmin u minorenni mhux akkumpanjati, kif ukoll permessi li nħarġu għar-raġunijiet l-oħrajn kollha li għalihom jistgħu jinħarġu permessi ta’ residenza u li mhumiex koperti mill-kategoriji l-oħrajn
L-impjiegi tal-immigranti
Fl-2022, 9.93 miljun ċittadin mhux tal-UE kienu impjegati fis-suq tax-xogħol tal-UE, minn 193.5 miljun persuna bejn l-20 u l-64 sena, li jikkorrispondu għal 5.1% tat-total. B’mod ġenerali, in-numru totali ta’ impjegati fil-grupp ta’ età bejn l-20 u l-64 sena hu ta’ 197.458 miljun, li minnhom 9.927 miljun huma ċittadini mhux tal-UE.
Sors: Eurostat
Ir-rata ta’ impjiegi fil-popolazzjoni fl-età tax-xogħol tal-UE hi ogħla għaċ-ċittadini tal-UE (77.1%) milli għaċ-ċittadini mhux tal-UE (61.9%) fl-2022.
Setturi rappreżentati żżejjed
Fl-2022, iċ-ċittadini mhux tal-UE kienu rappreżentati żżejjed f’xi setturi ekonomiċi speċifiċi bħal:
Settur | Impjiegi ta’ ċittadini mhux tal-UE | Impjiegi ta’ ċittadini tal-UE |
---|---|---|
Akkomodazzjoni u attivitajiet ta’ servizzi tal-ikel | 11.3% | 4.2% |
Attivitajiet ta’ servizzi amministrattivi u ta’ appoġġ | 7.6% | 3.9% |
Xogħol domestiku | 5.9% | 0.7% |
Kostruzzjoni | 9.1% | 6.6% |
Rappreżentazzjoni żejda skont l-okkupazzjoni
F’termini ta’ okkupazzjonijiet, iċ-ċittadini mhux tal-UE kienu rappreżentati żżejjed fost:
Grupp okkupazzjonali | Impjiegi ta’ ċittadini mhux tal-UE | Impjiegi ta’ ċittadini tal-UE |
---|---|---|
Ħaddiema tat-tindif u li jagħtu servizz ta’ għajnuna domestika | 11.4% | 2.9% |
Ħaddiema li jagħtu servizzi personali | 7.3% | 4.1% |
Ħaddiema involuti fil-kura personali | 5.5% | 3.0% |
Ħaddiema tal-kostruzzjoni, esklużi l-electricians | 6.1% | 3.7% |
Ħaddiema fil-qasam tal-minjieri, tal-kostruzzjoni, tal-manifattura u tat-trasport | 6.0% | 2.5% |
Assistenti fil-preparazzjoni tal-ikel | 2.6% | 0.6% |
Ħaddiema involuti fl-agrikoltura, fil-forestrija u fis-sajd | 2.4% | 0.7% |
Setturi sottorappreżentati
Iċ-ċittadini mhux tal-UE kienu sottorappreżentati f’setturi ekonomiċi oħrajn, inklużi:
Settur | Impjiegi ta’ ċittadini mhux tal-UE | Impjiegi ta’ ċittadini tal-UE |
---|---|---|
Amministrazzjoni pubblika u d-difiża, is-sigurtà soċjali obbligatorja | 1.1% | 7.4% |
Edukazzjoni | 3.9% | 7.6% |
Attivitajiet tas-saħħa tal-bniedem u ta’ ħidma soċjali | 8.5% | 11.2% |
Attivitajiet professjonali, xjentifiċi u tekniċi | 3.8% | 6.0% |
Sottorappreżentazzjoni skont l-okkupazzjoni
Min-naħa l-oħra, iċ-ċittadini mhux tal-UE kienu sottorappreżentati fost:
Grupp okkupazzjonali | Impjiegi ta’ ċittadini mhux tal-UE | Impjiegi ta’ ċittadini tal-UE |
---|---|---|
Professjonisti fis-settur tat-tagħlim | 2.4% | 5.5% |
Professjonisti assoċjati man-negozju u mal-amministrazzjoni | 2.6% | 6.8% |
Ħaddiema klerikali u amministrattivi | 1.5% | 4.4% |
Professjonisti assoċjati tax-xjenza u tal-inġinerija | 1.7% | 3.5% |
Professjonisti tan-negozju u tal-amministrazzjoni | 2.3% | 4.5% |
Professjonisti fil-qasam tas-saħħa | 1.5% | 3.1% |
Sors: Eurostat
Ir-refuġjati fl-Ewropa
Refuġjati mill-Ukrajna
Mill-aggressjoni militari tar-Russja fl-Ukrajna fi Frar 2022, l-Ewropa rċeviet l-akbar numru ta’ persuni li ħarbu mill-gwerra mit-Tieni Gwerra Dinjija ’l hawn. Għal dettalji aġġornati tal-isforzi biex jintlaqgħu n-nies li qed jaħarbu mill-gwerra fl-Ukrajna u biex tiġi pprovduta protezzjoni temporanja, ara l-paġna ddedikata Ġestjoni tal-migrazzjoni: Nilqgħu lir-refuġjati mill-Ukrajna.
Sitwazzjoni ġenerali
Abbażi ta’ data mill-UNHCR, mad-dinja kollha kien hemm:
- 36.4 miljun refuġjat f’nofs l-2023 u
- 62.5 miljun persuna spostata internament (minħabba kunflitt u vjolenza) fi tmiem l-2022.
Is-sehem ta’ refuġjati fl-UE kien ta’ 1.5% meta mqabbel mat-total tal-popolazzjoni tagħha.
Numru ta’ refuġjati mqabbel mat-total tal-popolazzjoni
Diversi pajjiżi madwar id-dinja jospitaw popolazzjoni kbira ta’ refuġjati:
Nota: data għall-2021
Filwaqt li l-migrazzjoni irregolari spiss tkun fiċ-ċentru tal-attenzjoni, ir-realtà hi li d-dħul irregolari jammonta għal frazzjoni żgħira tal-migrazzjoni fl-UE.
Fl-2022, inħarġu kważi 3.4 miljun permess ta’ residenza għall-ewwel darba fl-UE, meta mqabbla ma’ 2.9 miljun fl-2021, li qabżu n-numru li deher qabel il-bidu tal-pandemija tal-COVID-19 (3.0 miljun fl-2019). In-numru tal-ewwel permessi maħruġa mill-Ġermanja (+190%), Malta (+164%) u l-Irlanda (+146%) żdied b’aktar mid-doppju meta mqabbel mal-2021. Fl-2022, kien hemm żieda partikolarment kbira fil-każ ta’ permessi relatati mal-ażil (+60%) iżda n-numru ta’ permessi maħruġa għall-edukazzjoni (+29%), il-familja (+28%) u raġunijiet oħra (+47%) żdied ukoll sena wara sena. Min-naħa l-oħra, in-numru ta’ permessi maħruġa għal raġunijiet ta’ xogħol naqas meta mqabbel mal-2021 (-6%). Fl-2022, inħarġu permessi ta’ residenza għall-ewwel darba fl-UE għar-raġunijiet li ġejjin:
Sors: Eurostat; “oħrajn” tinkludi permessi li nħarġu għal raġunijiet ta’ residenza biss, permessi li nħarġu lil vittmi tat-traffikar tal-bnedmin u minorenni mhux akkumpanjati, kif ukoll permessi li nħarġu għar-raġunijiet l-oħrajn kollha li għalihom jistgħu jinħarġu permessi ta’ residenza u li mhumiex koperti mill-kategoriji l-oħrajn
L-10 nazzjonalitajiet li l-aktar inħarġilhom l-ewwel permess ta’ residenza fl-Istati Membri tal-UE fl-2022
Sors: Eurostat
It-tfittxija għall-ażil fl-Ewropa
Applikanti għall-ażil għall-ewwel darba skont il-kontinent ta’ oriġini (2022)
Sors: Eurostat
Il-15-il nazzjonalità bl-akbar numru ta’ applikazzjonijiet għall-ażil għall-ewwel darba (2022)
Sors: Eurostat
Fl-2022, l-applikanti għall-ażil ġew minn madwar 140 pajjiż.
Fl-2022, fl-UE tressqu 958,800 applikazzjoni, inklużi 877,800 applikazzjoni għall-ewwel darba, żieda ta’ 52% meta mqabbla mal-2021, u 37% aktar mill-2019, qabel il-COVID.
Sehem sinifikanti ta’ applikanti jiġu minn pajjiżi eżenti mill-obbligu ta’ viża (22% tal-applikanti għall-ewwel darba fl-2022, żieda mill-15% fl-2021 peress li kien hemm aktar applikanti mill-Amerka Latina) li jidħlu fl-UE b’mod legali, l-aktar minn:
- Il-Venezwela (5.7% tal-applikazzjonijiet kollha għall-ewwel darba)
- Il-Kolombja (4.8%)
- Il-Georgia (3.0%)
- L-Ukrajna (2.8%)
- L-Albanija (1.4%)
- Il-Ġermanja (217,700)
- Franza (137,500)
- Spanja (116,100)
- L-Awstrija (109,800)
- L-Italja (77,200)
- Ċipru (2,386 għal kull 100,000 abitant)
- L-Awstrija (1,223)
- Il-Lussemburgu (373)
Sors: Eurostat
Fl-2022, 237,600 persuna li kienu qed ifittxu l-ażil kellhom anqas minn 18-il sena – madwar wieħed minn kull sitta minnhom (39,500) kienu tfal mhux akkumpanjati. Il-biċċa l-kbira tal-minorenni mhux akkumpanjati ġew mill-Afganistan, mis-Sirja u mis-Somalja.
Fl-ewwel nofs tal-2023, 601,600 applikazzjoni għall-ażil (li minnhom 556,200 applikazzjoni għall-ewwel darba) ġew ippreżentati fl-UE. Dan hu 25% aktar milli fl-istess perjodu tal-2022, u wkoll 52% ogħla meta mqabbel maż-żminijiet ta’ qabel il-COVID (l-istess perjodu tal-2019).
Rikonoxximent tar-refuġjati
Fl-2022, il-pajjiżi tal-UE ħadu 632,400 deċiżjoni tal-ewwel istanza dwar l-ażil. 49% minn dawn id-deċiżjonijiet kienu pożittivi:
- 143,000 persuna rċevew status ta’ refuġjat,
- 101,700 ingħataw status ta’ protezzjoni sussidjarja u
- 65,900 irċevew status umanitarju.
Wara appell ittieħdu 217,500 deċiżjoni finali oħra, fosthom:
- 27,000 deċiżjoni li taw status ta’ refuġjat,
- 17,500 li taw status ta’ protezzjoni sussidjarja u
- 28,600 li taw status umanitarju.
B’mod ġenerali, il-pajjiżi tal-UE taw protezzjoni lil madwar 383,700 persuna fl-2022.
Fl-ewwel nofs tal-2023, ir-rata ta’ rikonoxximent żdiedet: minn 342,400 deċiżjoni dwar l-ażil fl-ewwel istanza, 53% kienu pożittivi, inklużi:
- 69,500 deċiżjoni li taw status ta’ refuġjat,
- 63,300 li taw status ta’ protezzjoni sussidjarja u
- 48,900 li taw status umanitarju.
L-effettività tas-sistema tal-ażil
- Xogħol b’lura varjat
Fi tmiem ta’ Lulju 2023, kienu pendenti 955,200 applikazzjoni għall-ażil - 25% aktar minn sena qabel (764,100). Ix-xogħol b’lura ilu jiżdied minn nofs l-2021. - Żminijiet tal-ipproċċessar li jvarjaw fl-Istati Membri
Il-proporzjon ta’ każijiet u applikazzjonijiet pendenti jvarja ħafna bejn l-Istati Membri, u dan jirrifletti d-differenzi fiż-żmien tal-ipproċessar. Skont id-data tal-Aġenzija tal-UE għall-Ażil (EUAA), fi tmiem Lulju 2023, 48% tal-każijiet pendenti fl-ewwel istanza kienu ilhom pendenti għal aktar minn sitt xhur.
Numru ta’ applikazzjonijiet pendenti meta mqabbel man-numru totali ta’ applikazzjonijiet f’xahar partikolari
Sors: Eurostat
- Rati ta’ rikonoxximent tal-ażil li jvarjaw fil-pajjiżi tal-UE
Is-sistema tal-ażil tal-UE tibqa’ imminata minħabba d-differenzi sinifikanti fir-rata ta' rikonoxximent tal-ażil fil-pajjiżi tal-UE. Pereżempju, fl-2022 ir-rata ta’ rikonoxximent taċ-ċittadini Afgani fl-ewwel istanza (minbarra l-istatus umanitarju) varjat minn 27% fil-Ġermanja għal 100% fil-Portugall u fil-Latvja (minn dawk l-Istati Membri li ħarġu mill-anqas 100 deċiżjoni tal-prim’istanza liċ-ċittadini Afgani). - Ir-regoli ta’ Dublin fil-prattika
Fl-2022, l-Istati Membri rrappurtaw 174,500 talba fis-seħħ skont ir-regoli ta’ Dublin mibgħuta lil Stati Membri oħrajn u pajjiżi oħrajn li qed jipparteċipaw fis-sistema ta’ Dublin biex jieħdu r-responsabbiltà biex jeżaminaw applikazzjoni għall-protezzjoni internazzjonali. Minn 158,200 deċiżjoni dwar talbiet bħal dawn, 97,700 (62%) ġew aċċettati u eżegwiti 13,300 trasferiment ’il barra, li jikkorrispondu għal 14% tat-talbiet aċċettati.
Risistemazzjoni
Fl-2022, madwar 17,300 persuna fil-bżonn ta’ protezzjoni internazzjonali ġew risistemati minn pajjiżi mhux tal-UE lejn Stati Membri tal-UE, 6% anqas mill-2021 iżda 97% aktar mill-2020.
In-nazzjonalità Sirjana kienet bil-bosta dik ewlenija u ammontat għal 63% tal-persuni risistemati.
Taħt skemi konġunti ta’ risistemazzjoni tal-UE, mill-2015 aktar minn 117,000 persuna sabu protezzjoni fl-UE. Barra minn hekk, mill-2021, aktar minn 46,000 persuna, l-aktar Afgani f’riskju, waslu fl-UE permezz ta’ ammissjoni umanitarja. L-Istati Membri jirċievu appoġġ mill-baġit tal-UE għar-risistemazzjoni u l-ammissjoni umanitarja.
Qsim irregolari tal-fruntieri
Ċifri ġenerali
Qsim irregolari tal-fruntieri tal-UE skont in-nazzjonalità fl-2023 (Jannar-Awwissu)
Sors: Frontex
Jannar-Settembru 2023:
Żieda ta’ 83% meta mqabbla mal-istess perjodu tal-2022
Tnaqqis ta’ 30% meta mqabbel mal-istess perjodu tal-2022
Distribuzzjoni ġeografika
2022
- Żieda fil-qsim fuq il-Mediterran Ċentrali (+56%, 105,600), il-Lvant tal-Mediterran (+113%, 43,900) u r-rotot tal-Balkani tal-Punent (+134%, 144,100) meta mqabbla mal-2021
- Tnaqqis fil-qsim fil-Mediterran tal-Punent (inkluża r-rotta tal-Atlantiku mill-Afrika tal-Punent għall-gżejjer Kanarji) (-25%, 30,600) u r-rotot tal-fruntieri tal-Lvant (-22%, 6,300) meta mqabbel mal-2021
- Żieda ta’ 18% fl-imwiet fuq il-baħar: 2,411 persuna ġew irrappurtati mejtin jew neqsin fl-2022 fuq it-tliet rotot Mediterranji, meta mqabbla ma’ 2,047 fl-2021
Jannar-Awwissu 2023
- Meta wieħed iħares lejn il-perjodu bejn Jannar u Awwissu, fl-2023 kien hemm żieda fil-qsim fuq ir-rotot tal-Mediterran Ċentrali (+97%, 114,900) u tal-Mediterran tal-Punent (inkluża r-rotta tal-Atlantiku mill-Afrika tal-Punent lejn il-gżejjer Kanarji) (+7%, 20,200) meta mqabbel mal-istess perjodu fl-2022
- Bejn Jannar u Awwissu 2023, kien hemm tnaqqis fil-qsim fuq ir-rotta tal-Mediterran tal-Lvant (-9%, 25,400) u r-rotta tal-fruntieri tal-Lvant (-9%, 3,800) meta mqabbel mal-istess perjodu fl-2022
- Żieda ta’ 31% fl-imwiet fuq il-baħar: 2,418 persuna ġew irrappurtati mejta jew nieqsa f’Jannar-Settembru 2023 fuq it-tliet rotot tal-Mediterran, meta mqabbla ma’ 1,841 fl-istess perjodu tal-2022
Fost il-pajjiżi ewlenin tan-nazzjonalità ta’ dawk li ġew ordnati jitilqu mill-UE kienu:
- L-Alġerija (7.9%)
- Il-Marokk (7.1%)
- Il-Pakistan (5.9%)
- L-Afganistan (5.8%)
- L-Albanija (5.5%)
L-effettività tas-sistema ta’ ritorni
Fl-2022, 73,600 ċittadin mhux tal-UE ġew ritornati lejn pajjiż mhux tal-UE. Dan jikkorrispondi għal 17% tad-deċiżjonijiet kollha ta’ ritorn maħruġin matul is-sena, bi tnaqqis minn 18% fl-2021.
Fost il-pajjiżi ewlenin tan-nazzjonalità ta’ dawk li ġew ritornati barra l-UE fl-2022 kienu:
- L-Albanija (12.9%)
- Il-Georgia (10.2%)
- It-Turkija (5.4%)
- Is-Serbja (4.2%)
- Il-Moldova (3.5%)
Fost in-nazzjonalitajiet b’mill-anqas 5,000 ordni ta’ ritorn, ir-rata ta’ ritorn kienet partikolarment baxxa għal dawk li ġejjin minn
- L-Afganistan (1.1%)
- Is-Sirja (1.7 %)
- Il-Kosta tal-Avorju (2.7%)
- Il-Ginea (4.3%)
- Il-Bangladesh (5.7%)
Fl-2022, is-sehem ta’ ritorni volontarji u sfurzati kien ta’ 54-46%. 75% tar-ritorni kienu ritorni assistiti - il-persuni ritornati rċevew assistenza loġistika, finanzjarja u/jew materjali oħrajn.
Fl-ewwel nofs tal-2023, 217,100 ċittadin mhux tal-UE ġew ordnati jitilqu minn Stat Membru tal-UE, u total ta’ 38,900 ġew ritornati lejn pajjiż mhux tal-UE wara ordni ta’ tluq. Meta mqabbel mal-istess perjodu tal-2021, in-numru ta’ ordnijiet ta’ ritorn u ta’ ritorn żdied b’16% u b’21%, rispettivament.
Viżi għal soġġorn qasir
Fl-2022, kważi 1,700 konsulat tal-Istati Membri rċevew 7.6 miljun applikazzjoni għal viża għal soġġorn qasir ippreżentati minn ċittadini mhux tal-UE, żieda minn 2.9 miljun fl-2021 iżda 55% anqas mill-2019.
B’kollox, inħarġu 5.9 miljun viża għal soġġorn qasir u ġew rifjutati 1.3 miljun, li jammonta għal rata ta’ rifjut fl-UE kollha ta’ 17.9% (żieda minn 13.4% fl-2021).
Il-biċċa l-kbira tal-applikazzjonijiet ġew ippreżentati fi:
- It-Turkija (778,400)
- Ir-Russja (687,200)
- L-Indja (671,900)
- Il-Marokk (423,200)
- L-Alġerija (392,100)
Il-biċċa l-kbira tal-applikazzjonijiet għall-viża ġew ipproċessati minn
- Franza (1,918,500)
- Spanja (1,197,500)
- Il-Ġermanja (1,043,300)
- L-Italja (727,500)
- Il-Greċja (459,100)
58% tal-viżi kollha nħarġu għal dħul multiplu. Il-viżi ta’ Schengen għal soġġorn qasir ikopru l-ivvjaġġar fis-26 pajjiż ta’ Schengen għal massimu ta’ 90 jum fi kwalunkwe perjodu ta’ 180 jum.
L-Atlas dwar il-Migrazzjoni
L-Atlas dwar il-Migrazzjoni taċ-Ċentru ta’ Għarfien dwar il-Migrazzjoni u d-Demografija tal-Kummissjoni Ewropea hu riżorsa interattiva ta’ data armonizzata, aġġornata u vvalidata dwar l-istatus tal-migrazzjoni u d-demografija f’27 Stat Membru tal-UE u 171 pajjiż u territorju mhux tal-UE.
Statistika Ewropea dwar il-migrazzjoni u l-ażil
Statistika Ewropea aġġornata dwar
- il-migrazzjoni internazzjonali
- l-ażil
- il-migrazzjoni mmaniġġjata
- it-tfal fil-migrazzjoni
- l-integrazzjoni tal-migranti
u informazzjoni relatata hi disponibbi fuq is-sit web tal-Eurostat.
L-Eurostat jiġbor data mill-Awtoritajiet Nazzjonali tal-Istatistika tal-Istati Membri tal-UE u tal-pajjiżi tal-EFTA abbażi tar-regolamenti tal-istatistika adottati mill-Parlament Ewropew u mill-Kunsill. Il-kwalità tad-data u l-metadata relatata hi żgurata f’konformità mal-Kodiċi ta’ Prattika tal-Istatistika Ewropea, u aġġornata f’intervalli regolari skont il-ġbir tad-data. Is-sejbiet statistiċi huma ppubblikati fl-artikli ta’ Statistics Explained u pubblikazzjonijiet oħrajn.
Dikjarazzjoni ta’ ċaħda ta’ responsabbiltà: Id-data ta’ hawn fuq hi bbażata fuq l-aħħar informazzjoni disponibbli, aġġornata fuq bażi trimestrali, l-aħħar aġġornament: Ottubru 2023