Tacaíocht do shlándáil fuinnimh na hÚcráine Soláthraíodh ar a laghad €2 bhilliún de thacaíocht don tslándáil fuinnimh don Úcráin cheana féin ó rinne an Rúis ionradh iomlán, trí bhíthin Chiste Tacaíochta Fuinnimh na hÚcráine agus Sásra an Aontais um Chosaint Shibhialta, i measc nithe eile.I mí Lúnasa 2025 shínigh an Coimisiún comhaontú ráthaíochta leis an mBanc Eorpach Athfhoirgníochta agus Forbartha (BEAF) lena slógfar €500 milliún chun tacú le slándáil fuinnimh na hÚcráine. Cuideoidh an maoiniú sin le cúlchistí gáis ídithe na tíre a athshlánú tar éis ionsaithe na Rúise ar shaoráidí táirgthe agus próiseála gáis. Chuir an tAontas beagnach €160 milliún ar fáil chun tacú le slándáil fuinnimh na hÚcráine do gheimhreadh 2024-2025. Úsáideadh an tacaíocht sin chun an méid seo a leanas a dhéanamh:gléasraí cumhachta a athbhunú agus níos mó trealaimh a chur ar fáil chun 15% de riachtanais na hÚcráine a chumhdacheaspórtálacha leictreachais an Aontais a mhéadú chun 12% de riachtanais na hÚcráine a chumhdachborradh a chur faoi tháirgeadh cumhachta díláraithe, painéil ghréine a sheachadadh chuig ospidéil ina meascI mí an Mhárta 2022 rinneadh eangach leictreachais na hÚcráine a shioncrónú leis an Aontas Eorpach. Leanfaidh an tAontas de thacaíocht a thabhairt don Úcráin san earnáil fuinnimh, trí shreafaí cúltreo gáis chuig an tír a chinntiú. Beidh an Úcráin in ann leas a bhaint as ceannach comhpháirteach gáis, gáis nádúrtha leachtaithe (GNL) agus hidrigine san Aontas.Ina theannta sin, tá níos mó ná 11,500 gineadóir cumhachta agus na milliúin bolgán solais LED curtha ar fáil ag an Aontas don Úcráin chun an brú atá ar chóras fuinnimh na tíre a laghdú. Tacaíocht do bhonneagar agus nascacht na hÚcráine I mí an Mheithimh 2023 shínigh an tAontas agus an Úcráin comhaontú lena ndearnadh an Úcráin a chomhlachú le clár na Saoráide um Chónascadh na hEorpa. Cuirfidh sé sin ar a gcumas do thionscnóirí tionscadal na hÚcráine iarratas a dhéanamh ar mhaoiniú ón Aontas in earnáil an iompair, earnáil an fhuinnimh agus san earnáil dhigiteach, rud a chuirfidh tuilleadh feabhais ar nascacht na hÚcráine lena comharsana san Aontas.I mí na Nollag 2023 d’oscail an Coimisiún oifig nua Fís Eorpach i gCív. Cuideoidh rannpháirt na hÚcráine sa chlár Fís Eorpach agus i gClár Taighde agus Oiliúna Euratom le héiceachóras taighde agus nuálaíochta na tíre a chaomhnú agus a chothú.Chinn an tAontas an Úcráin a chomhtháthú sa limistéar ‘Fánaíocht ar Tháille Baile’ ón 1 Eanáir 2026. Cuirfidh sé sin ar chumas mhuintir na hÚcráine glaonna a chur, teachtaireachtaí a sheoladh, agus a gcuid sonraí móibíleacha a úsáid ó uimhreacha teileafóin na hÚcráine sna 27 mBallstát gan aon chostas breise. Go dtí sin, cinnteofar leis an gcomhaontú atá ann cheana idir oibreoirí teileachumarsáide an Aontais agus na hÚcráine go leanfaidh muintir na hÚcráine san Aontas de thairbhe a bhaint as táillí fánaíochta atá i bhfad níos ísle.Ó thús an chogaidh, tá dlús curtha ag an Aontas lena thacaíocht chun cibear-athléimneacht na hÚcráine a neartú le €10 milliún le haghaidh trealaimh, bogearraí agus tacaíocht ghaolmhar eile. Tá €19 milliún breise curtha ar fáil chun tacú leis an aistriú digiteach. Tacaíocht do chultúr na hÚcráine Tá €50 milliún geallta ag an Aontas chun tacú le hearnálacha cultúir agus cruthaitheacha na hÚcráine ó thús an chogaidh. I mí Iúil 2025, sheol an tAontas agus roinnt Ballstát tionscnamh Team Europe chun déantáin chultúrtha na hÚcráine a chosaint agus chun acmhainneachtaí a gairmithe oidhreachta a fhorbairt. Cuirfear breis agus 60 gníomhaíocht i bhfeidhm, oiliúint agus scoláireachtaí spriocdhírithe agus tacaíocht chun déantáin atá i mbaol a stóráil, a thaispeáint agus a chaomhnú san áireamh. Ó 2022 i leith, tá níos mó ná €7 milliún curtha ar fáil ag Eoraip na Cruthaitheachta d’eagraíochtaí cultúrtha na hÚcráine agus €700,000 i ndeontais soghluaisteachta d’ealaíontóirí agus do ghairmithe cultúrtha. Tacaíonn an maoiniú le caomhnú na hoidhreachta cultúrtha agus le léirithe ealaíonta laistigh agus lasmuigh den Úcráin araon. Faigh tuilleadh eolais faoin gcaoi a bhfuil an tAontas ag tacú le hearnálacha cultúrtha agus cruthaitheacha na hÚcráine An nuashonrú is déanaí: 6 Deireadh Fómhair 2025
Soláthraíodh ar a laghad €2 bhilliún de thacaíocht don tslándáil fuinnimh don Úcráin cheana féin ó rinne an Rúis ionradh iomlán, trí bhíthin Chiste Tacaíochta Fuinnimh na hÚcráine agus Sásra an Aontais um Chosaint Shibhialta, i measc nithe eile.I mí Lúnasa 2025 shínigh an Coimisiún comhaontú ráthaíochta leis an mBanc Eorpach Athfhoirgníochta agus Forbartha (BEAF) lena slógfar €500 milliún chun tacú le slándáil fuinnimh na hÚcráine. Cuideoidh an maoiniú sin le cúlchistí gáis ídithe na tíre a athshlánú tar éis ionsaithe na Rúise ar shaoráidí táirgthe agus próiseála gáis. Chuir an tAontas beagnach €160 milliún ar fáil chun tacú le slándáil fuinnimh na hÚcráine do gheimhreadh 2024-2025. Úsáideadh an tacaíocht sin chun an méid seo a leanas a dhéanamh:gléasraí cumhachta a athbhunú agus níos mó trealaimh a chur ar fáil chun 15% de riachtanais na hÚcráine a chumhdacheaspórtálacha leictreachais an Aontais a mhéadú chun 12% de riachtanais na hÚcráine a chumhdachborradh a chur faoi tháirgeadh cumhachta díláraithe, painéil ghréine a sheachadadh chuig ospidéil ina meascI mí an Mhárta 2022 rinneadh eangach leictreachais na hÚcráine a shioncrónú leis an Aontas Eorpach. Leanfaidh an tAontas de thacaíocht a thabhairt don Úcráin san earnáil fuinnimh, trí shreafaí cúltreo gáis chuig an tír a chinntiú. Beidh an Úcráin in ann leas a bhaint as ceannach comhpháirteach gáis, gáis nádúrtha leachtaithe (GNL) agus hidrigine san Aontas.Ina theannta sin, tá níos mó ná 11,500 gineadóir cumhachta agus na milliúin bolgán solais LED curtha ar fáil ag an Aontas don Úcráin chun an brú atá ar chóras fuinnimh na tíre a laghdú.
I mí an Mheithimh 2023 shínigh an tAontas agus an Úcráin comhaontú lena ndearnadh an Úcráin a chomhlachú le clár na Saoráide um Chónascadh na hEorpa. Cuirfidh sé sin ar a gcumas do thionscnóirí tionscadal na hÚcráine iarratas a dhéanamh ar mhaoiniú ón Aontas in earnáil an iompair, earnáil an fhuinnimh agus san earnáil dhigiteach, rud a chuirfidh tuilleadh feabhais ar nascacht na hÚcráine lena comharsana san Aontas.I mí na Nollag 2023 d’oscail an Coimisiún oifig nua Fís Eorpach i gCív. Cuideoidh rannpháirt na hÚcráine sa chlár Fís Eorpach agus i gClár Taighde agus Oiliúna Euratom le héiceachóras taighde agus nuálaíochta na tíre a chaomhnú agus a chothú.Chinn an tAontas an Úcráin a chomhtháthú sa limistéar ‘Fánaíocht ar Tháille Baile’ ón 1 Eanáir 2026. Cuirfidh sé sin ar chumas mhuintir na hÚcráine glaonna a chur, teachtaireachtaí a sheoladh, agus a gcuid sonraí móibíleacha a úsáid ó uimhreacha teileafóin na hÚcráine sna 27 mBallstát gan aon chostas breise. Go dtí sin, cinnteofar leis an gcomhaontú atá ann cheana idir oibreoirí teileachumarsáide an Aontais agus na hÚcráine go leanfaidh muintir na hÚcráine san Aontas de thairbhe a bhaint as táillí fánaíochta atá i bhfad níos ísle.Ó thús an chogaidh, tá dlús curtha ag an Aontas lena thacaíocht chun cibear-athléimneacht na hÚcráine a neartú le €10 milliún le haghaidh trealaimh, bogearraí agus tacaíocht ghaolmhar eile. Tá €19 milliún breise curtha ar fáil chun tacú leis an aistriú digiteach.
