Tá Teachtaireacht ón gCoimisiún ar fáil anois ina leagtar amach na príomhdhúshláin bheartais agus bhuiséadacha a mhúnlóidh an chéad bhuiséad fadtéarmach eile de chuid an Aontais. Leagtar amach sa bhuiséad fadtéarmach – ar a dtugtar an Creat Airgeadais Ilbhliantúil – tosaíochtaí caiteachais an Aontais le haghaidh roinnt blianta. Tacaíonn sé leis na milliúin daoine, feirmeoirí, taighdeoirí, gnólachtaí agus réigiúin ar fud an Aontais agus níos faide i gcéin. Tá sé ríthábhachtach chun feabhas a chur ar ár saol, rud a chuidigh linn le déanaí paindéim agus ghéarchéim fuinnimh a shárú agus na milliúin post a shábháil le linn na dianghlasála ag an am céanna. Ní mór do thíortha, do ghnólachtaí agus do shaoránaigh an Aontais athmhachnamh a dhéanamh ar an dóigh a n-oibríonn buiséad an Aontais chun é a chur in oiriúint don todhchaí. Chun leanúint de thacaíocht a thabhairt d’Eoraip atá saor, daonlathach, slán, rathúil agus iomaíoch, ní mór don bhuiséad fadtéarmach a bheith níos simplí, níos éifeachtaí agus níos spriocdhírithe. Ba cheart an méid seo a leanas a chur san áireamh i gcur chuige nua do bhuiséad nua-aimseartha an Aontais: – plean do gach tír ina bhfuil athchóirithe agus infheistíochtaí tábhachtacha, plean arna cheapadh i gcomhpháirtíocht le húdaráis náisiúnta, réigiúnacha agus áitiúla – Ciste Eorpach um Iomaíochas lena mbunófar acmhainneacht infheistíochta chun tacú le hearnálacha straitéiseacha agus teicneolaíochtaí criticiúla – maoiniú le haghaidh gníomhaíocht sheachtrach a mbeidh tionchar níos mó aici, a bheidh spriocdhírithe agus a bheidh ailínithe le leasanna straitéiseacha – coimircí breise lena gcosnaítear an smacht reachta Tá an Coimisiún ag iarraidh anois ar mhuintir uile na hEorpa a gcuid tuairimí a chur in iúl maidir leis an gcéad bhuiséad eile agus maidir leis na beartais ar cheart dó tacú leo, sula gcuirfidh sé togra foirmiúil i láthair i mí Iúil 2025. Tá tús curtha le sraith comhairliúchán poiblí a bheidh ar oscailt go ceann 12 sheachtain. Is féidir leat teacht ar na naisc chuig na comhairliúcháin sin thíos. Beidh deis ag thart ar 150 Eorpach díospóireacht a dhéanamh agus moltaí nithiúla a dhéanamh don chéad bhuiséad eile de chuid an Aontais ar Phainéal Saoránach. Beidh ardán ar líne ag gabháil leis an díospóireacht sin lena mbeidh deis ag gach duine páirt a ghlacadh. A luaithe a chomhaontófar an chéad bhuiséad fadtéarmach eile níos déanaí i mbliana, tiocfaidh sé i bhfeidhm i mí Eanáir 2028. Tuilleadh eolais Comhairliúcháin phoiblí Maoiniú ón Aontas a chur chun feidhme leis na Ballstáit agus leis na réigiúinMaoiniú ón Aontas don iomaíochasMaoiniú ón Aontas don ghníomhaíocht sheachtrachMaoiniú ón Aontas don oideachas, don oiliúint agus don dlúthpháirtíocht trasteorann, don óige, do na meáin, don chultúr agus d’earnálacha cruthaitheacha, do luachanna agus don tsochaí shibhialtaMaoiniú ón Aontas do chosaint shibhialta, ullmhacht agus freagairt do ghéarchéimeannaMaoiniú ón Aontas don mhargadh aonair, agus comhar idir na húdaráis náisiúntaFeidhmíocht bhuiséad an Aontais EorpaighPainéal Saoránach Eorpach maidir le buiséad Eorpach nua Buiséad fadtéarmach an Aontais Preaseisiúint: Todhchaí an Aontais a mhúnlú le chéile: an bóthar i dtreo an chéad bhuiséid fhadtéarmaigh eile de chuid an Aontais leagtha amach ag an gCoimisiún Sonraí Dáta foilsithe12 Feabhra 2025ÚdarArd-Stiúrthóireacht na Cumarsáide
