Juvenes Translatores

Comórtas aistriúcháin bliantúil uile-Aontais do dhaltaí meánscoile atá 17 mbliana d’aois is ea Juvenes Translatores. Is í an aidhm daoine óga a spreagadh agus a ghríosú chun teangacha a fhoghlaim. Gach Samhain, ar lá an chomórtais, aistríonn os cionn 3,000 déagóir leathanach scríbhneoireachta cruthaithí ar ábhar tráthúil ó aon cheann de 24 theanga oifigiúla an Aontais go haon cheann de na 23 theanga eile. Is ionann líon na scoileanna a dtugtar cuireadh dóibh páirt a ghlacadh sa chomórtas i ngach tír agus líon na suíochán atá acu i bParlaimint na hEorpa – 720 ar an iomlán ar fud an Aontais. Is féidir le suas le cúigear daltaí in aghaidh na scoile páirt a ghlacadh ann. Déanann aistritheoirí gairmiúla in institiúidí an Aontais a n-iarrachtaí a mheas chun teacht ar an aistriúchán is fearr ó gach tír. Tugtar cuireadh do na 27 daltaí buaiteacha – dalta amháin in aghaidh an Bhallstáit – freastal ar shearmanas bronnta sa Bhruiséil, in éineacht le múinteoirí agus tuismitheoirí.