Kif taċċessa d-dokumenti tal-Kummissjoni

Aċċess pubbliku għad-dokumenti

Biex tgħin liċ-ċittadini jiksbu aċċess għal informazzjoni u dokumenti dwar il-ħidma tal-Kummissjoni Ewropea u tal-UE, il-Kummissjoni Ewropea u istituzzjonijiet oħrajn tal-UE jagħmlu numru kbir ta’ dokumenti disponibbli online.

Sorsi ta’ dokumenti disponibbli

Kummissjoni Ewropea

• Reġistru tad-dokumenti tal-Kummissjoni - ir-reġistru ewlieni tad-dokumenti tal-Kummissjoni li fihom proposti, valutazzjonijiet tal-impatt, atti delegati u ta’ implimentazzjoni, deċiżjonijiet oħrajn tal-Kummissjoni eċċ.
• Reġistru tal-każijiet ta’ kompetizzjoni - dokumenti relatati ma’ każijiet ta’ għajnuna mill-Istat, fużjonijiet, antitrust u kartelli
• Reġistru tal-atti delegati u ta’ implimentazzjoni - dokumenti u informazzjoni relatati maċ-ċiklu tal-ħajja kollu tal-atti delegati u ta’ implimentazzjoni tal-Kummissjoni
• Reġistru tal-Komitoloġija - dokumenti relatati mal-ħidma tal-kumitati fil-kuntest tal-proċeduri tal-komitoloġija
• Semma’ leħnek - liġijiet u politiki tal-Kummissjoni li qed jiġu żviluppati bħalissa (eż. pjanijiet direzzjonali, abbozzi ta’ atti delegati/ta’ implimentazzjoni) u li għalihom tista’ tipprovdi l-feedback tiegħek
• Paġni web tal-Kummissarji - laqgħat bejn il-Kummissarji/il-Membri tal-Kabinett tagħhom u l-partijiet ikkonċernati esterni, l-ispejjeż tal-missjonijiet u l-aġendi tal-Kummissarji
• Informazzjoni dwar deċiżjonijiet ta’ ksur tal-Kummissjoni - informazzjoni dwar deċiżjonijiet tal-Kummissjoni dwar ksur skont il-pajjiż tal-UE, il-qasam ta’ politika jew id-data
• Pubblikazzjonijiet dwar l-ekonomija, il-finanzi u l-euro - pubblikazzjonijiet dwar l-ekonomija, il-finanzi u l-euro (dokumenti istituzzjonali, rapporti, sommarji ekonomiċi, dokumenti ta’ diskussjoni, dokumenti tekniċi)
• Materjal għall-Istampa - Materjal għall-istampa mis-Servizz tal-Kelliem tal-Kummissjoni
• Pubblikazzjonijiet - dokumenti ta’ ppjanar u strateġija tal-Kummissjoni, skedi informattivi, studji, opportunitajiet ta’ offerti, statistika, dokumenti tal-opinjoni pubblika
• Arkivji storiċi – dokumenti li għandhom aktar minn 30 sena.

Parlament Ewropew

• Reġistru tad-dokumenti tal-Parlament - reġistru ewlieni tad-dokumenti tal-Parlament, li jippermettilek ukoll tissottometti talbiet għal aċċess għad-dokumenti tal-Parlament
• Osservatorju Leġiżlattiv - bażi tad-data tal-Parlament Ewropew għall-monitoraġġ tat-teħid tad-deċiżjonijiet tal-UE
• IPEX - pjattaforma għall-iskambju reċiproku ta’ informazzjoni bejn il-Parlamenti nazzjonali u l-Parlament Ewropew dwar kwistjonijiet relatati mal-UE

Kunsill tal-Unjoni Ewropea/Kunsill Ewropew

• Reġistru tad-dokumenti tal-Kunsill - reġistru ewlieni tad-dokumenti tal-Kunsill tal-UE/Kunsill Ewropew, li jippermettilek ukoll tippreżenta talbiet għal aċċess għal dokumenti tal-Kunsill
• Konklużjonijiet tal-Kunsill Ewropew - konklużjonijiet adottati matul kull laqgħa tal-Kunsill Ewropew

Reġistri interistituzzjonali

• EUR-Lex - joffri aċċess għal-liġi tal-UE, il-ġurisprudenza mill-Qorti tal-Ġustizzja tal-UE u dokumenti pubbliċi oħrajn tal-UE kif ukoll il-Ġurnal Uffiċjali elettroniku awtentiku tal-UE
• Pubblikazzjonijiettal-UE - pubblikazzjonijiet mill-istituzzjonijiet, l-aġenziji u l-korpi tal-UE (dak li qabel kien “EU Bookshop”)
• Reġistru ta’ Trasparenza - bażi tad-data għall-organizzazzjonijiet li jfittxu li jinfluwenzaw il-formulazzjoni jew l-implimentazzjoni tal-politika u l-proċessi tat-teħid tad-deċiżjonijiet tal-istituzzjonijiet tal-UE
• Pubblikazzjonijiet tal-Eurostat - pubblikazzjonijiet tal-Eurostat, li fihom artikli u glossarji li jippreżentaw l-istatistika
• DORIE - bażi tad-data li fiha għażla ta’ dokumenti jew siltiet ta’ dokumenti relatati ma’ kwistjonijiet istituzzjonali ġenerali u mad-diversi konferenzi intergovernattivi li għamlu bidliet fit-trattati fundaturi tal-UE

Data miftuħa

Tista' wkoll issib dak li qed tfittex billi tikkonsulta l-portal tad-data miftuħa.

Persunal u dokumenti ta' reklutaġġ

L-aċċess għall-files tar-reklutaġġ tal-EPSO jew għal files personali tal-persunal tal-Kummissjoni hu regolat minn drittijiet ta' aċċess speċifiċi. L-applikanti li jixtiequ jiksbu aċċess għall-files tagħhom f'dawn l-oqsma għandhom jagħmlu dan billi jikkuntattjaw direttament l-EPSO jew id-DĠ HR.

Uffiċċju Ewropew għas-Selezzjoni tal-Persunal (EPSO)

Riżorsi Umani u Sigurtà

Informazzjoni ġenerali

Jekk qed tfittex informazzjoni ġenerali dwar il-Kummissjoni Ewropea, Europe Direct jgħinek issib malajr dak li għandek bżonn. 

Tista’ tikkuntattja lil Europe Direct bit-telefown, bl-użu ta’ numru tat-telefown b’xejn li jaħdem minn kwalunkwe pajjiż tal-UE: 00 800 6 7 8 9 10 11. Dawn il-linji huma miftuħin bejn id-09:00 u s-18:00. 

Email - (tweġiba fi żmien 3 ijiem ta’ xogħol)

Itlob dokument

Jekk ma tistax issib id-dokument li qed tfittex, tista’ tissottometti talba għal aċċess għad-dokumenti tal-Kummissjoni Ewropea fil-link ta’ hawn taħt.

Talba għal dokument tal-Kummissjoni

Stqarrija ta’ privatezza

Meta talba tista' tiġi miċħuda?

Il-Kummissjoni għandha d-dritt li tirrifjuta l-aċċess għal dokumenti li, jekk jinkixfu, se jkunu ta’ dannu għal wieħed jew diversi interessi pubbliċi jew privati elenkati fir-Regolament 1049/2001.

Jekk jogħġbok innota li xi dokumenti tal-Kummissjoni jistgħu jkunu koperti, kompletament jew parzjalment, mill-eċċezzjonijiet għal aċċess pubbliku definiti fir-regolament.

Skont il-Qrati, preżunzjoni ġenerali ta’ nuqqas ta’ żvelar tapplika għal dokumenti relatati ma'

• proċeduri ta’ EU pilot li għaddejjin bħalissa
• każijiet ta’ ksur u awditjar li għadhom għaddejjin
• każijiet ta' għajnuna mill-Istat
• każijiet dwar il-kompetizzjoni dokumenti mibgħutin mill-awtoritajiet nazzjonali tal-kompetizzjoni
• każijiet ta’ fużjoni
• investigazzjonijiet kontra l-frodi (OLAF)
• kawżi tal-qorti
• offerti sottomessi minn offerenti oħrajn fi proċedura ta’ akkwist
• proposti ta’ għotjiet sottomessi minn kandidati oħrajn
• mistoqsijiet bil-miktub mitluba fil-proċeduri ta’ selezzjoni tal-persunal