Tús áite do dhaoine – Ag obair leis an gCoimisiún Eorpach

Difear a dhéanamh

Ar mhaith leat cuidiú le todhchaí an Aontais Eorpaigh a mhúnlú? An pláinéad a dhéanamh níos glaise, sochaí níos cothroime a chur chun cinn, nó tacú le gnólachtaí agus leis an nuálaíocht ar fud an Aontais? Téigh ag obair leis an gCoimisiún Eorpach mar ar féidir leat difríocht mhór a dhéanamh!

Is grúpa daoine éagsúla iad baill foirne an Choimisiúin atá spreagtha chun cuidiú le háit níos fearr a dhéanamh den Eoraip – agus den domhan. Is as 27 mBallstát an Aontais Eorpaigh iad. I ngeall ar na náisiúntachtaí, teangacha agus cultúir éagsúla, is ionad oibre bríomhar ionchuimsitheach é an Coimisiún. I measc na ndeiseanna fostaíochta tá rúnaithe, eolaithe, lucht ceaptha beartas, eacnamaithe, idirbheartaithe trádála agus cigirí núicléacha. Féadfaidh tú tuilleadh eolais a fháil faoi chomhdhéanamh na mball foirne ó na príomhfhigiúir agus staitisticí oifigiúla.

 

Cuir aithne ar níos mó ball foirne sa Choimisiún

Do chéad phost eile sa Choimisiún

Cuireann an Coimisiún deiseanna fostaíochta ar fáil lena ngabhann cineálacha éagsúla stádais fostaíochta, mar atá poist bhuana (státseirbhísigh), poist foirne neamhbhuana, agus tréimhsí oiliúna. 

Baill foirne bhuana 

Má tá post buan á lorg agat, ní mór duit pas a fháil i gcomórtas oscailte. Is í an Oifig Eorpach um Roghnú Foirne (EPSO) a bhainistíonn an próiseas roghnúcháin sin d’institiúidí uile an Aontais Eorpaigh. Féach leat suíomh gréasáin EPSO chun fáil amach conas iarratas a dhéanamh.

Nuair a ghnóthóidh tú pas i gcomórtas, is féidir le hinstitiúid ar bith de chuid an Aontais Eorpaigh tú a earcú ó phainéal na n-iarrthóirí ar éirigh leo.

Foireann neamhbhuan 

Is féidir leat iarratas a dhéanamh freisin ar phost ar théarma seasta mar bhall foirne sealadach nó mar bhall foirne ar conradh. Bíonn na próisis roghnúcháin éagsúil ag brath ar an gcatagóir foirne agus ar an gcineál conartha.

Is féidir folúntais do bhaill foirne shealadacha agus do bhaill foirne ar conradh a aimsiú ar shuíomh gréasáin EPSO. Ina measc sin tá poist rúnaíochta, speisialaithe agus bhainistíochta. 

Tréimhse oiliúna  

Dhá uair sa bhliain, cuireann an Coimisiún Eorpach tréimhsí oiliúna íoctha 5 mhí ar fáil do 1,800 céimí ollscoile. Tosaíonn siad sin gach mí an Mhárta agus mí Dheireadh Fómhair. Féach leat conas a bheith i d’oiliúnaí.

Poist sa Choimisiún Eorpach

Poist sa Choimisiún Eorpach

Cuireann poist sa Choimisiún gairmeacha éagsúla sásúla ar fáil i dtimpeallacht bhríomhar ilteangach ilchultúrtha, mar aon le deiseanna foghlama agus forbartha gairme den scoth, dálaí oibre iomaíocha solúbtha agus timpeallacht oibre nua-aimseartha.  

The European Commission is striving to achieve a balanced representation of people from all Members States among its staff. To that end, Joint Action Plans were developed for those nationalities which are currently under-represented at junior Administrator grades. Selection is based on merit and no posts are reserved for any specific nationality. These tailored documents include country-specific analyses of the reasons for the low representation and measures to address it - at national level, at the European Commission level and jointly. 

Consult the Action Plans