Illum niċċelebraw il-Jum Internazzjonali għall-Eliminazzjoni tad-Diskriminazzjoni Razzjali. L-Unjoni Ewropea ssejset fuq il-valuri tar-rispett għad-dinjità u d-drittijiet tal-bniedem, il-libertà, id-demokrazija u l-ugwaljanza. Ħadd fl-UE ma għandu jiġi ddiskriminat abbażi tal-oriġini razzjali jew etnika tiegħu.
Fl-2020, il-Kummissjoni Ewropea żiedet il-ħidma tagħha fl-indirizzar ta’ kwistjonijiet persistenti u ppreżentat l-ewwel Pjan ta' azzjoni tal-UE għall-Ġlieda kontra r-Razziżmu, li stabbilixxa sensiela ta’ miżuri u laqqa’ flimkien atturi fil-livelli kollha biex jindirizzaw ir-razziżmu b’mod aktar effettiv fl-UE.
Minkejja dan, għad hemm ċerti kwistjonijiet. Stħarriġ tal-UE mill-2023 juri li aktar minn nofs il-popli kkonċernati ffaċċjaw diskriminazzjoni abbażi tal-fatt li huma Rom (65%), il-kulur tal-ġilda tagħhom (61%,) jew l-oriġini etnika tagħhom (60%).
Fl-2023, l-Aġenzija tal-Unjoni Ewropea għad-Drittijiet Fundamentali rrappurtat li l-fastidju u l-vjolenza kontra persuni ta’ dixxendenza Afrikana u Musulmani fl-UE ma tjibux mill-2016. Id-diskriminazzjoni kienet l-aktar komuni fit-tiftix ta’ akkomodazzjoni, fit-tiftix ta’ impjieg, fuq ix-xogħol jew fl-edukazzjoni.
Hemm ħtieġa distintiva għal aktar azzjoni. U bħala parti mill-prijoritajiet il-ġodda tagħha, il-Kummissjoni qed taħdem fuq Strateġija ġdida tal-UE Kontra r-Razziżmu, sabiex ir-razziżmu ma jkollux post fl-UE.
Għal aktar informazzjoni:
- Pjan ta’ Azzjoni tal-UE għall-Ġlieda Kontra r-Razziżmu 2020–2025
- Stħarriġ tal-Ewrobarometru dwar id-Diskriminazzjoni fl-Unjoni Ewropea - Diċembru 2023
- Rapport: Being Black in the EU
- Rapport: Being Muslims in the EU
- Equality bodies għall-promozzjoni tat-trattament ugwali u n-nondiskriminazzjoni
Dettalji
- Data tal-pubblikazzjoni
- 21 Marzu 2025
- Awtur
- Id-Direttorat Ġenerali għall-Komunikazzjoni