Meta tressaq petizzjoni
Tista’ titlob lill-Parlament Ewropew biex jinvestiga kwistjoni li taffettwak, jew tilmenta dwar kif qed tiġi applikata liġi tal-UE. Din tissejjaħ petizzjoni.
Il-Parlament Ewropew se jħares lejn il-kwistjoni u jerġa’ lura għandek bis-sejbiet tiegħu.
Min jista’ jibda petizzjoni?
- kwalunkwe ċittadin tal-UE
- kull min jgħix f’pajjiż tal-UE
- kwalunkwe kumpanija, organizzazzjoni jew assoċjazzjoni li għandha l-kwartieri ġenerali tagħha f’pajjiż tal-UE
Il-petizzjoni tiegħek trid tikkonċerna wieħed mill-oqsma ta’ politika tal-UE.
Tista’ tressaq il-petizzjoni tiegħek individwalment, jew bħala grupp. Ma hemm ebda numru minimu ta’ firem.
Kif toħloq jew tiffirma petizzjoni
Qabel ma tibda petizzjoni, iċċekkja li l-kwistjoni tiegħek mhix diġà koperta minn petizzjoni eżistenti.
Hemm żewġ modi kif toħloq petizzjoni:
- Online
Irreġistra fil-Portal tal-Petizzjonijiet u segwi l-istruzzjonijiet.
2. Bil-posta
Tista’ wkoll tibgħat il-petizzjoni tiegħek bil-posta. Ma hemm ebda formola x’timla – iżda trid tinkludi:
- ismek
- in-nazzjonalità
- l-indirizz
- il-firma
Ibgħat il-petizzjoni tiegħek lil:
Chair of the Petitions Committee
Indirizz: European Parliament, 1047 Brussels, Belgium