It-tibdil fil-klima u d-degradazzjoni ambjentali huma theddida eżistenzjali għall-Ewropa u d-dinja. Biex jegħleb dawn l-isfidi, il-Patt Ekoloġiku Ewropew se jittrasforma lill-UE f’ekonomija moderna, effiċjenti fir-riżorsi u kompetittiva, biex jiġi żgurat li:
- ma jkun hemm ebda emissjoni netta ta’ gassijiet b’effett serra sal-2050
- it-tkabbir ekonomiku jiġi diżakkoppjat mill-użu tar-riżorsi
- ebda persuna u ebda post ma jitħallew barra
Il-Patt Ekoloġiku Ewropew hu wkoll vitali biex noħorġu mill-pandemija tal-COVID-19. Terz mill-investimenti ta’ €1.8 triljun mill-Pjan ta’ Rkupru tan-NextGenerationEU, u l-baġit ta’ seba’ snin tal-UE se jiffinanzjaw il-Patt Ekoloġiku Ewropew.
Il-Kummissjoni Ewropea adottat sett ta’ proposti leġiżlattivi sabiex il-politiki tal-UE dwar il-klima, l-enerġija, it-trasport u t-tassazzjoni tagħmilhom tajbin biex inaqqsu l-emissjonijiet tal-gassijiet serra b’mill-anqas 55% sal-2030, meta mqabbla mal-livelli tal-1990. Aktar informazzjoni dwar Inwettqu l-Patt Ekoloġiku Ewropew.
12 ta’ Marzu 2024 - Il-Kummissjoni ppubblikat Komunikazzjoni dwar il-ġestjoni tar-riskji klimatiċi fl-Ewropa li tistabbilixxi kif l-UE u l-pajjiżi tagħha jistgħu jimplimentaw politiki li jsalvaw il-ħajjiet, inaqqsu l-ispejjeż, u jipproteġu l-prosperità. Din tipprovdi tweġiba diretta għall-ewwel Valutazzjoni Ewropea tar-Riskji Klimatiċi li qatt saret mill-Aġenzija Ewropea għall-Ambjent. Hi tindirizza wkoll it-tħassib li ħafna Ewropej esprimew wara t-temperaturi rekord u l-avvenimenti ta’ temp estrem tas-sena li għaddiet. Il-Kummissjoni qed tappella għal azzjoni mil-livelli kollha ta’ gvern, is-settur privat u s-soċjetà ċivili biex jittejbu l-governanza u l-għodod għas-sidien tar-riskju klimatiku, jiġu mmaniġġjati r-riskji fis-setturi kollha u jiġu stabbiliti l-prekundizzjonijiet it-tajbin għall-finanzjament tar-reżiljenza klimatika.
Ċifri ewlenin
Inkunu l-ewwel kontinent newtrali għall-klima sal-2050
Tranżizzjoni lejn enerġija nadifa u effiċjenti
Protezzjoni tal-bijodiversità u tal-ekosistemi tagħna
Sistema ta’ ikel tajjeb għas-saħħa għan-nies u għall-pjaneta
Forniment ta’ trasport effiċjenti, sikur u li ma jagħmilx ħsara lill-ambjent
Strateġija industrijali għal Ewropa kompetittiva, ekoloġika u diġitali
Ir-rwol tagħha fl-ixprunar ta’ bidla trasformattiva
Investimenti sostenibbli biex inwettqu l-Patt Ekoloġiku Ewropew
Inizjattiva kreattiva u interdixxiplinari li tgħaqqad il-Patt Ekoloġiku Ewropew mal-ispazji tal-għajxien u l-esperjenzi tagħna
Kronoloġija
- 10 ta' April 2024
Il-Kummissjoni tieħu kont ta’ sensiela ta’ Djalogi dwar It-Tranżizzjoni Nadifa fir-rigward tat-trasformazzjoni tal-Ewropa f’ekonomija nadifa, effiċjenti fir-riżorsi, ekwa u kompetittiva
- 27 ta’ Marzu 2024
- 11 ta' Marzu 2024
Dħul fis-seħħ tar-Regolament dwar il-gassijiet fluworurati b’effett ta’ serra
- 20 ta' Frar 2024
Ftehim politiku dwar standards ġodda tal-kwalità tal-arja fl-UE
- 8 ta' Frar 2024
Ftehim politiku mal-projbizzjoni tal-bqija tal-użi intenzjonati kollha tal-merkurju tossiku fl-UE
- 6 ta' Frar 2024
Il-Kummissjoni taddotta Strateġija Industrijali tal-UE għall-Ġestjoni tal-Karbonju, li tistabbilixxi kif jinqabad, jinħażen u jintuża s-CO2 b’mod sostenibbli
- 6 ta' Frar 2024
Il-Kummissjoni tippreżenta rakkomandazzjoni għall-mira għat-tnaqqis tal-emissjonijiet għall-2040 biex tiġi stabbilita t-triq lejn in-newtralità klimatika fl-2050
- 6 ta' Frar 2024
Ftehim politiku dwar l-Att dwar l-Industrija b’Emissjonijiet Żero Netti
- 2 ta' Frar 2024
Ftehim politiku dwar regoli komuni li jippromwovu t-tiswija ta’ oġġetti għall-konsumaturi
- 29 ta' Jannar 2024
Ftehim politiku dwar ġestjoni tal-ilma urban mormi aktar profonda u aktar kosteffettiva
- 25 ta' Jannar 2024
Il-Kummissjoni tniedi Djalogu strateġiku dwar il-futur tal-agrikoltura tal-UE
- 19 ta' Diċembru 2023
Ftehim politiku dwar network trans-Ewropew tat-trasport aktar sostenibbli u resiljenti
- 14 ta' Diċembru 2023
Ftehim politiku dwar ir-riforma tad-disinn tas-suq tal-elettriku tal-UE
- 8 ta' Diċembru 2023
- 5 ta' Diċembru 2023
- 2 ta' Diċembru 2023
Il-COP28: Il-President tal-Kummissjoni Ursula von der Leyen tniedi Wegħda Globali għall-Enerġija Rinnovabbli u l-Effiċjenza fl-Użu tal-Enerġija
- 29 ta' Novembru 2023
Ftehim politiku dwar il-ġestjoni tal-immodernizzar tal-Emissjonijiet industrijali
- 28 ta' Novembru 2023
Il-Kummissjoni tistabbilixxi azzjonijiet biex titħaffef l-introduzzjoni tal-grilji tal-elettriku
- 22 ta' Novembru 2023
Il-Kummissjoni tipproponi liġi ġdida dwar il-monitoraġġ tal-foresti li għandha l-għan li ttejjeb ir-reżiljenza tal-foresti Ewropej
- 24 ta' Ottubru 2023
Il-Kummissjoni tippreżenta il-Pjan ta’ Azzjoni Ewropew għall-Enerġija mir-Riħ
- 9 ta' Ottubru 2023
Bl-adozzjoni tal-aħħar żewġ proposti, il-pakkett ta’ miżuri “Lesti għall-mira ta’ 55%” biex jitnaqqsu l-emissjonijiet netti ta’ gassijiet serra b’mill-anqas 55% sal-2030, meta mqabbla mal-livelli tal-1990 issa hu komplut. L-UE issa għandha miri klimatiċi li jorbtu legalment li jkopru s-setturi ewlenin kollha tal-ekonomija
- 1 ta' Ottubru 2023
Id-dħul fis-seħħ tal-fażi tranżizzjonali tal-Mekkaniżmu ta’ Aġġustament tal-Karbonju fil-Fruntieri (CBAM)
- 13 ta' Lulju 2023
Preżentazzjoni ta’ inizjattiva biex tissaħħaħ iċ-ċirkolarità tas-settur awtomobilistiku, li tkopri d-disinn, il-produzzjoni u t-trattament ta’ tmiem il-ħajja tal-vetturi
- 11 ta' Lulju 2023
Preżentazzjoni ta’ miżuri biex it-trasport tal-merkanzija jsir aktar effiċjenti u sostenibbli, billi tittejjeb il-ġestjoni tal-infrastruttura ferrovjarja, jiġu offruti inċentivi aktar b’saħħithom għal trakkijiet b’emissjonijiet baxxi, u informazzjoni aħjar dwar l-emissjonijiet tal-gassijiet serra tat-trasport tal-merkanzija
- 5 ta' Lulju 2023
Il-Kummissjoni tippreżenta pakkett ta’ miżuri għal użu sostenibbli ta’ riżorsi naturali ewlenin – biex tgħin lir-reżiljenza tal-ħamrija, iżżid is-sostenibbiltà u r-reżiljenza tas-sistemi tal-ikel tagħna, ittejjeb il-materjal riproduttiv tal-pjanti u tal-foresti u tnaqqas il-ħela tal-ikel u tat-tessuti
- 16 ta' Ġunju 2023
Proposta għal reviżjoni tar-Regolament dwar it-Tikkettar tal-Enerġija, biex tgħin lill-konsumaturi jagħmlu għażliet infurmati u sostenibbli meta jixtru telefowns ċellulari bla fili u tablets
- 26 ta' April 2023
Il-Parlament Ewropew u l-Kunsill jilħqu ftehim politiku dwar il-proposta ReFuelEU Aviation
- 25 ta' April 2023
“Lesti għall-Mira ta’ 55%”: Il-Kunsill jadotta biċċiet ewlenin ta’ leġiżlazzjoni li jilħqu l-miri klimatiċi għall-2030
- 25 ta' April 2023
Il-Pjattaforma tal-UE għax-Xiri tal-Enerġija: Il-Kummissjoni tniedi l-ewwel sejħa għall-kumpaniji biex jixtru l-gass b’mod konġunt
- 21 ta' April 2023
Il-Kummissjoni tipproponi li tirrevedi l-istandards tal-kummerċjalizzazzjoni eżistenti tal-prodotti agroalimentari
- 28 ta' Marzu 2023
Qbil fuq liġi ġdida ambizzjuża biex tiġi installata infrastruttura suffiċjenti tal-karburanti alternattivi
- 23 ta' Marzu 2023
Intlaħaq ftehim dwar it-tnaqqis tal-emissjonijiet tat-trasport marittimu permezz tal-promozzjoni ta’ karburanti sostenibbli għat-trasport marittimu
- 22 ta' Marzu 2023
Protezzjoni tal-konsumatur: nippermettu għażliet sostenibbli u nwaqqfu l-greenwashing
- 22 ta' Marzu 2023
Id-dritt għat-tiswija: il-Kummissjoni tadotta proposta ġdida dwar regoli komuni li jippromwovu t-tiswija tal-oġġetti
- 16 ta' Marzu 2023
Il-Kummissjoni tipproponi l-Att dwar il-Materja Prima Kritika
- 16 ta' Marzu 2023
Il-Kummissjoni tipproponi l-Att dwar l-Industrija b’Emissjonijiet Żero Netti
- 16 ta' Marzu 2023
Il-Kummissjoni tniedi l-programm ta’ bini tal-kapaċità tal-Bauhaus Ewropea l-Ġdida għar-rikostruzzjoni tal-Ukrajna
- 14 ta' Marzu 2023
Il-Kummissjoni tipproponi riforma tad-disinn tas-suq tal-elettriku tal-UE biex tagħti spinta lis-sorsi rinnovabbli, tipproteġi aħjar lill-konsumaturi u ttejjeb il-kompetittività industrijali
- 10 ta' Marzu 2023
L-UE taqbel fuq regoli aktar b’saħħithom biex tixpruna l-effiċjenza fl-enerġija
- 21 ta' Frar 2023
Il-Kummissjoni qed tippreżenta pakkett ta’ miżuri biex ittejjeb is-sostenibbiltà u r-reżiljenza tas-settur tas-sajd u tal-akkwakultura tal-UE.
- 14 ta' Frar 2023
Il-Kummissjoni tipproponi mira ta’ emissjonijiet żero għall-2030 għal xarabanks ġodda fl-ibliet u tnaqqis ta’ 90% fl-emissjonijiet għal trakkijiet ġodda sal-2040
- 13 ta' Frar 2023
Il-Kummissjoni tistabbilixxi r-regoli dwar l-idroġenu rinnovabbli
- 1 ta' Frar 2023
Il-Kummissjoni qed tippreżenta Pjan Industrijali tal-Patt Ekoloġiku, l-inizjattiva biex tissaħħaħ il-kompetittività tal-industrija b’emissjonijiet żero netti tal-Ewropa billi tappoġġja t-tranżizzjoni mħaffa lejn in-newtralità klimatika
- 24 ta' Jannar 2023
Preżentazzjoni ta’ “Patt Ġdid għall-Pollinaturi” biex jiġi indirizzat it-tnaqqis allarmanti fl-insetti dakkara selvaġġi fl-Ewropa.
- 18 ta' Diċembru 2022
L-UE taqbel li ssaħħaħ u tespandi l-iskambju ta’ kwoti tal-emissjonijiet, u toħloq Fond Soċjali għall-Klima biex jgħin lin-nies fit-tranżizzjoni
- 9 ta' Diċembru 2022
Regoli ġodda dwar l-applikazzjoni tal-iskema tal-UE għall-iskambju ta’ kwoti tal-emissjonijiet fis-settur tal-avjazzjoni
- 6 ta' Diċembru 2022
L-UE tilħaq ftehim dwar liġi kontra d-deforestazzjoni globali u d-degradazzjoni tal-foresti xprunati mill-produzzjoni u l-konsum tal-UE
- 15 ta' Novembru 2022
- 27 ta' Ottubru 2022
Il-Kunsill u l-Parlament Ewropew jilħqu qbil politiku proviżorju dwar standards ta’ rendiment aktar stretti għall-emissjonijiet ta’ CO2 għal karozzi u vannijiet ġodda
- 26 ta' Ottubru 2022
Il-Kummissjoni tipproponi regoli aktar b’saħħithom għal arja u ilma aktar nodfa
- 15 ta' Settembru 2022
Proposta għal intervent ta’ emerġenza fis-suq biex jitnaqqsu l-kontijiet tal-enerġija għall-Ewropej
- 20 ta' Lulju 2022
Proposta “Niffrankaw il-gass għal xitwa sikura”
- 22 ta' Ġunju 2022
- 18 ta' Mejju 2022
Pjan REPowerEU: enerġija affordabbli, sikura u sostenibbli għall-Ewropa
- 22 ta' April 2022
Il-Kummissjoni Ewropea tingħaqad mal-Patt Klimatiku Ewropew u twiegħed li tagħmel l-operazzjonijiet tagħha newtrali għall-klima sal-2030
- 8 ta' Marzu 2022
REPowerEU: Azzjoni Ewropea konġunta għal enerġija aktar affordabbli, sikura u sostenibbli
- 15 ta' Diċembru 2021
- 14 ta' Diċembru 2021
- 15 ta' Settembru 2021
- 14 ta’ Lulju 2021
- 17 ta’ Mejju 2021
- 12 ta’ Mejju 2021
- 25 ta’ Marzu 2021
- 24 ta’ Frar 2021
- 18 ta’ Jannar 2021
- 10 ta’ Diċembru 2020
- 9 ta’ Diċembru 2020
- 19 ta’ Novembru 2020
- 17 ta’ Settembru 2020
Preżentazzjoni tal-Pjan dwar il-Mira Klimatika għall-2030
- 8 ta' Lulju 2020
Adozzjoni tal-istrateġiji tal-UE għall-integrazzjoni tas-sistema tal-enerġija u tal-idroġenu biex titwitta t-triq lejn settur tal-enerġija kompletament dekarbonizzat, aktar effiċjenti u interkonness
- 20 ta’ Mejju 2020
Preżentazzjoni tal-Istrateġija tal-Bijodiversità tal-UE għall-2030 biex tipproteġi r-riżorsi naturali fraġli fil-pjaneta tagħna
Preżentazzjoni tal-“Istrateġija mill-għalqa sal-platt”, biex is-sistemi alimentari tagħna jsiru aktar sostenibbli
- 11 ta’ Marzu 2020
Proposta għal Pjan ta’ Azzjoni għal Ekonomija Ċirkolari li jiffoka fuq l-użu sostenibbli tar-riżorsi
- 10 ta’ Marzu 2020
Adozzjoni tal-Istrateġija Industrijali Ewropea, pjan għal ekonomija lesta għall-futur
- 4 ta’ Marzu 2020
Proposta għal liġi Ewropea dwar il-klima biex tiġi żgurata Unjoni Ewropea newtrali għall-klima sal-2050
Konsultazzjoni pubblika (miftuħa sas-17 ta’ Ġunju 2020) dwar il-Patt Klimatiku Ewropew li tlaqqa’ flimkien ir-reġjuni, il-komunitajiet lokali, is-soċjetà ċivili, in-negozji u l-iskejjel
- 14 ta’ Jannar 2020
Preżentazzjoni tal-Pjan ta’ Investiment tal-Patt Ekoloġiku Ewropew utal-Mekkaniżmu għal Tranżizzjoni Ġusta
- 11 ta’ Diċembru 2019
Preżentazzjoni tal-Patt Ekoloġiku Ewropew
- 7 ta' Diċembru 2023
Dokumenti
Skedi informattivi - Inwettqu l-Patt Ekoloġiku Ewropew
Repożitorju ċar u komplut tal-oqsma tematiċi li qed isawru l-Patt Ekoloġiku Ewropew
- Iddawnlowdjaбългарски
- Iddawnlowdjaespañol
- Iddawnlowdjačeština
- Iddawnlowdjadansk
- IddawnlowdjaDeutsch
- Iddawnlowdjaeesti
- Iddawnlowdjaελληνικά
- IddawnlowdjaEnglish
- Iddawnlowdjafrançais
- Iddawnlowdjahrvatski
- Iddawnlowdjaitaliano
- Iddawnlowdjalatviešu
- Iddawnlowdjalietuvių
- Iddawnlowdjamagyar
- IddawnlowdjaNederlands
- Iddawnlowdjapolski
- Iddawnlowdjaportuguês
- Iddawnlowdjaromână
- Iddawnlowdjaslovenčina
- Iddawnlowdjaslovenščina
- Iddawnlowdjasuomi
- Iddawnlowdjasvenska