Skip to main content

Iċ-Ċentru tal-Viżitaturi

Inġibu l-Ewropa eqreb lejn il-pubbliku tal-UE billi nipprovdu informazzjoni dwar kif taħdem il-Kummissjoni Ewropea.

Iċ-Ċentru tal-Viżitaturi tal-Kummissjoni Ewropea

Iċ-Ċentru tal-Viżitaturi tal-Kummissjoni Ewropea, li hu bbażat fi Brussell, jipprovdi lill-pubbliku b’għarfien dwar kif taħdem il-Kummissjoni Ewropea u l-politiki u l-prijoritajiet tagħha. 

Dwar iċ-Ċentru tal-Viżitaturi

Iċ-Ċentru tal-Viżitaturi qed jiġi rinnovat, biex jinħoloq spazju modern u dinamiku. Il-gruppi ta’ viżitaturi diġà jistgħu jiskopru kmamar tal-laqgħat ġodda u żoni għall-kafè li ma jagħmlux ħsara lill-klima. 
Il-kunċett arkitettoniku l-ġdid taċ-Ċentru jirrifletti l-prinċipji tal-Bauhaus Ewropea l-Ġdida dwar l-estetika, l-inklużjoni u s-sostenibbiltà. 
Qed jitħejjew esperjenzi diġitali ġodda, inkluż ħajt interattiv sensittiv għall-mess.

Biex tiġi żgurata sikurezza massima, u flimkien ma’ kwalunkwe obbligu nazzjonali addizzjonali, jekk jogħġbok aqra l-miżuri dwar il-Covid19 biex tħejji ż-żjara tal-grupp tiegħek. Il-viżitaturi huma wkoll mistiedna li jagħmlu kuntatt online għal żjara virtwali fil-Kummissjoni Ewropea.

Żjarat fi gruppi

  • Tipi ta’ żjarat: Huma disponibbli żjarat ġenerali, ta’ informazzjoni speċifika u mfassla apposta. Ara hawn taħt għal aktar dettalji u kif tapplika
  • Daqs tal-grupp: 15 - 100 persuna (għal żjara fiżika). Tal-anqas 10 persuni (għal żjara virtwali)
  • Rekwiżit ta' riżervazzjoni bil-quddiem: minimu ta’ 10 ġimgħat (għal żjara fiżika) u 4 ġimgħat (għal żjara virtwali)
  • Disponibbiltà: Iż-żjarat fi gruppi huma disponibbli mit-Tnejn sal-Ġimgħa. Iċ-Ċentru tal-Viżitaturi hu magħluq fi tmien il-ġimgħa u fil-vaganzi pubbliċi Belġjani, kif ukoll f’ċerti vaganzi tal-istituzzjonijiet tal-UE.
  • Konferma: Għandek tirċievi konferma fi żmien ġimagħtejn minn meta tkun bgħatt it-talba tiegħek, inklużi d-dettalji ta’ kuntatt tal-persuna li tkun qed tieħu ħsieb iż-żjara tiegħek. Jekk le, jekk jogħġbok ibgħat email lil COMM-VISIT-REQUESTS@ec.europa.eu.
  • Prezz: Bla ħlas
  • Età minima tal-viżitaturi: 15
  • Lingwa: Il-lingwi kollha tal-UE – għidilna l-preferenza tiegħek meta tapplika.
  • Identifikazzjoni: Trid turi passaport jew karta tal-identità nazzjonali biex tidħol fil-bini (il-liċenzja tas-sewqan mhix aċċettata).
  • Kanċellazzjoni: Jekk jogħġbok avżana tal-inqas ġimagħtejn qabel iż-żjara tiegħek fuq COMM-VISIT-REQUESTS@ec.europa.eu, u inkludi n-numru taż-żjara tiegħek.
  • F’każ li tasal tard, hemm ċans li ż-żjara tiegħek titħassar. 

Il-gruppi jistgħu jikkombinaw ukoll il-vjaġġ tagħhom lejn Brussell ma’ żjara f’Experience Europe, iċ-ċentru tal-wirjiet tal-Kummissjoni Ewropea. Experience Europe jilqa’ lil kulħadd, inklużi viżitaturi individwali, f’ambjent interattiv. Hu jinsab mar-roundabout Schuman, 300m miċ-Ċentru tal-Viżitaturi. Agħmlu parti miż-żjara tiegħek fil-kwartieri ġenerali tal-UE!

Itlob żjara

Iż-żjarat jistgħu jsiru, fiżikament, fi Brussell, jew virtwalment, inklużi żjarat ibridi.

Hemm 3 tipi differenti ta’ żjarat fi grupp.

Meta tapplika għal waħda mit-3 tipi ta’ żjarat fi grupp, se tkun mistoqsi biex jew toħloq kont tal-"EU Login" jew tagħmel il-log in bil-kont eżistenti tiegħek.
Se tidher stqarrija ta’ privatezza li tispjega kif se tiġi pproċessata d-data personali tiegħek fit-tmiem tal-proċess ta’ validazzjoni.

1. Żjara ta' informazzjoni ġenerali – 90 minuta

Preżentazzjoni dwar ir-rwol tal-Kummissjoni Ewropea fi ħdan l-UE segwita minn sessjoni ta' mistoqsijiet u tweġibiet.

Maħsuba għal persuni, bħal studenti tal-iskejjel sekondarji, li ftit li xejn għandhom għarfien dwar l-UE.

Applika hawnhekk

2. Żjara ta’ informazzjoni speċifika – sagħtejn u nofs

Introduzzjoni dwar ir-rwol tal-Kummissjoni Ewropea fl-UE segwita minn preżentazzjoni dwar politika speċifika tal-UE ta’ interess dirett għall-grupp.

Maħsuba għal studenti universitarji u gruppi b'interess speċifiku.

Applika hawnhekk 

3. Żjara mfassla apposta – sa jum

Programm imfassal apposta skont l-interessi tal-grupp. Din iż-żjara tista' tikkonsisti f’introduzzjoni tar-rwol tal-Kummissjoni Ewropew fi ħdan l-UE segwita minn massimu ta’ 4 preżentazzjonijiet dwar politiki speċifiċi tal-UE mogħtija minn uffiċjali tal-Kummissjoni li jittrattaw il-kwistjonijiet involuti.

Maħsuba għal ġurnalisti, parlamenti u gvernijiet nazzjonali, reġjonali u lokali, assoċjazzjonijiet tan-negozju, professjonisti fis-settur pubbliku u dak privat, trade unions, akkademiċi, inklużi studenti fil-livell postgradwatorju u li qed jagħmlu riċerka.

Applika hawnhekk

Post u aċċess

Indirizz

Iċ-Ċentru tal-Viżitaturi tal-Kummissjoni Ewropea

Il-bini Charlemagne

Rue de la Loi 170

1040 Brussell

Il-Belġju

Xi drabi ż-żjarat jistgħu jseħħu f’postijiet oħrajn. Iċċekkja l-konferma tiegħek.

Dħul

Fil-kantuniera ta’ Rue de la Loi u Rue du Taciturne.

Trasport pubbliku

Nirrakkomandaw b’mod qawwi li tużaw it-trasport pubbliku biex tiġu fiċ-Ċentru tal-Viżitaturi. L-eqreb post fejn tieqaf huwa “Schuman” u tista' tasal hemm bil-metro u l-karozza tal-linja. Meta toħroġ mill-istazzjon tal-metro, segwi s-sinjali ta’ ħruġ “Berlaymont”.

Hu disponibbli parkeġġ apposta għall-karozzi tal-linja f’Rue du Taciturne (fuq il-lemin tiegħek meta ddur minn Rue de la Loi).

Skrinjar ta’ sigurtà

Biex tidħol fiċ-Ċentru tal-Viżitaturi, għandek turi karta tal-identità nazzjonali jew passaport (il-liċenzja tas-sewqan mhix aċċettata). Għandek ukoll tgħaddi bla problemi minn ditettur tal-metall simili għal dawk fl-ajruport, u l-proprjetà personali tiegħek se tgħaddi minn makkinarju tal-x-ray.

Aċċessibbiltà

Iċ-Ċentru tal-Viżitaturi hu aċċessibli għas-siġġijiet tar-roti. Jekk jogħġbok indika l-ħtiġijiet tiegħek fuq il-formola tal-applikazzjoni.

Faċilitajiet

Il-WiFi hu disponibbli fiċ-Ċentru tal-Viżitaturi.

Żur istituzzjonijiet oħrajn

Dokumenti

 

10 JANNAR 2023
Data protection notice for visitors to the European Commission
English
(685.77 KB - PDF)
Iddawnlowdja