Ċentru tal-wirja Experience Europe

Experience Europe hi l-wirja permanenti fi Brussell fejn tista’ ssir taf dwar il-ħidma ewlenija, il-prijoritajiet u l-politiki tal-Kummissjoni Ewropea u dwar il-valuri tal-UE f’ambjent divertenti u interattiv. Hi tinsab fir-roundabout Schuman, fil-qalba taż-żona Ewropea fi Brussell u hi miftuħa sebat ijiem fil-ġimgħa.

Permezz ta’ stazzjonijiet ta’ komunikazzjoni b’temi differenti, se jkollok l-opportunità li:

• tiltaqa’ mal-President tal-Kummissjoni f’ambjent virtwali
• tivvjaġġa lejn postijiet fejn il-Kummissjoni hi attiva permezz ta’ esperjenza ta’ realtà virtwali immersiva
• tagħmel żjara virtwali tal-binja ikonika tal-Berlaymont
• issegwi l-Kummissjoni Ewropea fuq il-media soċjali
• tieħu sehem fil-logħob u ttejjeb l-għarfien tiegħek dwar l-UE fi “Play Europe”
• ittemm iż-żjara tiegħek bi tbissima u ritratt ta’ tifkira

Experience Europe tilqa’ lil kulħadd biex igawdi minn din l-esperjenza unika.

Id-dħul hu mingħajr ħlas.