Segwi lill-Kummissjoni fuq il-media soċjali
Il-Kummissjoni Ewropea tippreżenta l-ħidma tagħha permezz ta’ diversi mezzi tal-media soċjali li jintużaw b’mod wiesa’. Nistidnuk tikkontribwixxi għall-konverżazzjonijiet fuq il-kontijiet tagħna u tixxerja l-kontenut tagħna.
Politika ta’ moderazzjoni tal-media soċjali
Nieħdu pjaċir naraw l-espressjoni ta’ perspettivi u opinjonijiet differenti, iżda mhux se naċċettaw kummenti li huma offensivi fin-natura tagħhom stess jew li joffendu b’mod ċar lill-utenti l-oħrajn.
Nitolbuk ma tużax lingwaġġ xewwiexi, insolenti jew offensiv. Jekk jogħġbok irrispetta lill-utenti l-oħrajn bħalek u l-prinċipji fundamentali komuni tagħna lkoll. Aħna ngħidu le għar-razziżmu, le għall-ksenofobija, le għad-diskriminazzjoni bbażata fuq ir-reliġjon, l-oriġini etnika, il-ġeneru, l-orjentazzjoni sesswali, u l-bqija. Ma naċċettaw ebda sejħa għall-vjolenza.
Nitolbuk ukoll sabiex il-kummenti tiegħek iżommu mas-suġġett tal-posts tagħna. Tista’ tixxerja links għal paġni oħrajn, iżda jekk jogħġbok tibgħatx kummenti li jikkonsistu minn link biss.
Spam mhux se jkun ittollerat. Nirriżervaw id-dritt li nimmoderaw il-kummenti kollha li ma jirrispettawx dawn il-linji gwida.
L-intenzjoni tagħna hi li nwieġbu kemm jista’ jkun mistoqsijiet fl-iqsar żmien possibbli. Ma weġibniex il-mistoqsija tiegħek? Jekk jogħġbok għidilna fuq comm-social-media-teamec [dot] europa [dot] eu (comm-social-media-team[at]ec[dot]europa[dot]eu).
Ritratti
Dment li ma jkunx stipulat mod ieħor, l-Unjoni Ewropea għandha d-dritt tal-awtur fuq ir-ritratti kollha ppubblikati fuq il-mezzi tagħna. Ritratti © L-Unjoni Ewropea jistgħu jintużaw liberament dment li jiġi rikonoxxut is-sors. M’għandhomx jintużaw għal skopijiet kummerċjali jew b’mod offensiv.
Mistoqsijiet
Jekk għandek mistoqsijiet dwar il-Kummissjoni Ewropea u l-attivitajiet tagħha, ikkuntattjana.
Protezzjoni tad-data fuq il-media soċjali
Ċaħda ta’ responsabbiltà ġenerali
Il-Kummissjoni Ewropea tuża l-media soċjali biex tippreżenta l-ħidma tagħha permezz ta’ dawn il-mezzi li jintużaw b’mod wiesa’.
Tista’ taċċessa l-kontijiet tal-Kummissjoni Ewropea fuq il-pjattaformi tal-media soċjali direttament mis-sit web tagħna.
Biex nipproteġu l-privatezza tiegħek, il-buttuni tal-media soċjali fuq il-paġni tas-sit web tagħna li jwasslu għal mezzi esterni tal-media soċjali ma jissettjawx cookies meta tkun qed iżżur il-paġni tas-sit web tagħna fuq l-apparati tiegħek, u lanqas m’int se tiġi ridirett immedjatament lejn il-media soċjali jew siti web oħrajn. Jekk tikklikkja biex tidderieġi mill-ġdid lejn mezz jew sit web estern tal-media soċjali, tista’ tintalab minn dawk il-pjattaformi biex taċċetta l-preferenzi tal-cookies tagħhom.
Kull mezz tal-media soċjali għandu l-politika tiegħu dwar il-mod kif jipproċessa d-data personali tiegħek meta taċċessa s-siti tiegħu. Pereżempju, jekk tagħżel li tara wieħed mill-videos tagħna fuq il-YouTube, tintalab tagħti l-kunsens espliċitu biex taċċetta l-cookies tal-YouTube; jekk tħares lejn l-attività tagħna tat-Twitter fuq it-Twitter, tintalab tagħti l-kunsens espliċitu biex taċċetta l-cookies tat-Twitter; l-istess japplika għall-preżenza tagħna fuq il-LinkedIn, il-Facebook, l-Instagram u l-iSpotify.
Jekk għandek xi tħassib jew mistoqsija dwar l-użu tad-data personali tiegħek, għandek taqra bir-reqqa l-politiki ta’ privatezza tagħhom qabel ma tużahom.
L-ideat u l-fehmiet espressi mill-Kummissjoni Ewropea fuq il-media soċjali huma għal skopijiet ta’ informazzjoni biss. Ebda komunikazzjoni permezz tal-media soċjali m’għandha titqies li tikkostitwixxi avviż legali jew uffiċjali f’isem il-Kummissjoni Ewropea.
Dikjarazzjoni ta' privatezza dwar il-protezzjoni ta' data personali
Ikkonsulta d-dikjarazzjoni tagħna dwar il-protezzjoni tad-data għall-media soċjali.
Inizjattivi tal-Kummissjoni dwar il-media soċjali
Ta’ spiss inniedu inizjattivi biex ninvolvu ruħna man-nies fl-Ewropa u fid-dinja kollha.
#AskThePresident
#AskThePresident hi opportunità unika biex tistaqsi l-mistoqsija tiegħek lill-President Ursula von der Leyen. Il-mistoqsijiet online għandhom jintbagħtu f’format video (mass. ta’ 30 sekonda) permezz tal-Facebook, l-Instagram, it-Twitter jew bl-email. Il-mistoqsijiet se jintgħażlu abbażi tal-kwalità tal-video u tar-rilevanza tal-mistoqsija, għal sessjoni ta’ M&T irreġistrata mal-President.
Il-parteċipanti li għandhom anqas minn 18-il sena għandhom bżonn ta’ awtorizzazzjoni bil-miktub tal-ġenituri li trid tintbagħat flimkien mal-video.
#AskThePresident termini u kundizzjonijiet
- Iddawnlowdjaбългарски(179.83 KB - PDF)
- Iddawnlowdjaespañol(153.81 KB - PDF)
- Iddawnlowdjačeština(178.28 KB - PDF)
- Iddawnlowdjadansk(131.34 KB - PDF)
- IddawnlowdjaDeutsch(135.03 KB - PDF)
- Iddawnlowdjaeesti(126.97 KB - PDF)
- Iddawnlowdjaελληνικά(189.4 KB - PDF)
- IddawnlowdjaEnglish(447.53 KB - PDF)
- Iddawnlowdjafrançais(131.16 KB - PDF)
- IddawnlowdjaGaeilge(129.68 KB - PDF)
- Iddawnlowdjahrvatski(179.87 KB - PDF)
- Iddawnlowdjaitaliano(130.62 KB - PDF)
- Iddawnlowdjalatviešu(178.2 KB - PDF)
- Iddawnlowdjalietuvių(182.26 KB - PDF)
- Iddawnlowdjamagyar(187.61 KB - PDF)
- IddawnlowdjaNederlands(130.73 KB - PDF)
- Iddawnlowdjapolski(187.77 KB - PDF)
- Iddawnlowdjaportuguês(133.51 KB - PDF)
- Iddawnlowdjaromână(178.55 KB - PDF)
- Iddawnlowdjaslovenčina(180.77 KB - PDF)
- Iddawnlowdjaslovenščina(180.52 KB - PDF)
- Iddawnlowdjasuomi(127.51 KB - PDF)
- Iddawnlowdjasvenska(128.96 KB - PDF)