Ħiliet u Talent: Nattiraw it-talent li neħtieġu
Aktar nies b’talent u ħiliet huma meħtieġa biex jissodisfaw il-ħtiġijiet dejjem jikbru tas-suq tax-xogħol. L-UE tattira talent mid-dinja kollha iżda mhix waħedha fit-tellieqa globali għall-ħiliet. Pajjiżi oħra tal-OECD, bħall-Istati Uniti tal-Amerika, il-Kanada u l-Awstralja, jattiraw ukoll talent minn barra l-pajjiż.
Ir-Rapport dwar l-Impatt tat-Tibdil Demografiku fl-Ewropa juri li l-Ewropa għandha popolazzjoni li qed tixjieħ u qed tiċkien u nuqqas ta’ ħiliet li jeħtieġ li jiġi indirizzat.
Azzjonijiet
![Long term residence directive](https://commission.europa.eu/sites/default/files/styles/oe_theme_medium_no_crop/public/2020-09/attracting_the_talent_we_need_1.png?itok=QP98PIg-)
Issa hemm qbil dwar ir-riforma tad-Direttiva dwar il-Karta Blu tal-UE biex tattira t-talent b’ħiliet għolja meħtieġ fi swieq tax-xogħol differenti.
![Long term residence directive icon](https://commission.europa.eu/sites/default/files/styles/oe_theme_medium_no_crop/public/2020-09/attracting_the_talent_we_need_4.png?itok=PCYWNXRh)
Nirrevedu d-Direttiva dwar ir-Residenza fit-Tul biex issaħħaħ id-drittijiet tar-residenti li jiċċaqilqu u jaħdmu fi Stati Membri differenti.
![EU Blue card directive icon](https://commission.europa.eu/sites/default/files/styles/oe_theme_medium_no_crop/public/2020-09/attracting_the_talent_we_need_3.png?itok=8tyAcjo_)
Nirrevedu d-Direttiva dwar il-Permess Uniku biex tissimplifika l-proċeduri għal ħaddiema b’ħiliet baxxi u medji.
![EU Talent pool icon](https://commission.europa.eu/sites/default/files/styles/oe_theme_medium_no_crop/public/2020-09/attracting_the_talent_we_need_2.png?itok=WRVXabNP)
Nistabbilixxu Ġabra ta’ Talenti tal-UE biex inlaqqgħu l-ħaddiema tas-sengħa li jixtiequ jiċċaqilqu lejn l-UE mal-ħtiġijiet tal-impjegaturi tal-UE.
F’April 2022, il-Kummissjoni ressqet politika ambizzjuża u sostenibbli dwar il-migrazzjoni legali. Din tipproponi inizjattivi legali, operazzjonali u ta’ politika li se jkunu ta’ benefiċċju għall-ekonomija tal-UE, isaħħu l-kooperazzjoni ma’ pajjiżi mhux tal-UE u jtejbu l-ġestjoni ġenerali tal-migrazzjoni fit-tul. Is-sett ta’ proposti jinkludi wkoll azzjonijiet speċifiċi biex jiffaċilitaw l-integrazzjoni ta’ dawk li qed jaħarbu mill-invażjoni tar-Russja tal-Ukrajna fis-suq tax-xogħol tal-UE. B’mod partikolari, tnieda l-Pilota tal-Ġabra ta’ Talenti tal-UE biex jgħin lin-nies li ħarbu mill-gwerra fl-Ukrajna jsibu impjieg fl-UE u jintegraw fis-suq tax-xogħol.
L-iżvilupp ta' perkorsi legali lejn l-Ewropa
L-offerta ta’ perkorsi legali għal dawk fil-bżonn ta’ protezzjoni tista’ tipprovdi alternattivi sikuri għal vjaġġi perikolużi. Din tgħin biex l-Ewropa ssir kontinent miftuħ u konness globalment
Azzjonijiet
![resettlement icon](https://commission.europa.eu/sites/default/files/styles/oe_theme_medium_no_crop/public/2020-09/skills_and_talent_icons-01.png?itok=rVG02azL)
Il-Kummissjoni tipprovdi appoġġ lill-Istati Membri biex jimplimentaw il-wegħdiet tal-2024-2025 għar-risistemazzjoni u l-ammissjoni umanitarja biex isostnu -l-kontribuzzjoni tal-UE għall-ħtiġijiet globali ta’ risistemazzjoni
![Complementary pathways: EU budget supports humanitarian admission schemes and study or work-related schemes.](https://commission.europa.eu/sites/default/files/styles/oe_theme_medium_no_crop/public/2020-09/skills_and_talent_icons-02.png?itok=zPNy4isT)
Il-Kummissjoni tippromwovi perkorsi għal persuni fil-bżonn ta’ protezzjoni marbuta ma’ studju jew ħidma permezz ta’ finanzjament ta’ proġetti ddedikati f’dan il-qasam madwar l-Istati Membri
![Community sponsorships](https://commission.europa.eu/sites/default/files/styles/oe_theme_medium_no_crop/public/2020-09/skills_and_talent_icons-03.png?itok=NPgf9QMP)
L-Istati Membri ħeġġew il-kooperazzjoni maċ-ċittadini, il-komunitajiet u l-organizzazzjonijiet tas-soċjetà ċivili biex jilqgħu u jisponsorjaw parteċipanti ġodda li jaslu fl-Ewropa permezz ta’ perkors sikur.
Il-Kummissjoni tippromwovi l-iżvilupp ta’ skemi ta’ sponsorizzazzjoni tal-komunità, inklużi kurituri umanitarji, permezz ta’ finanzjament iddedikat għal proġetti madwar l-Istati Membri.
Il-Kummissjoni taħdem mill-qrib mal-Istati Membri biex tippromwovi r-risistemazzjoni u perkorsi legali oħra għall-protezzjoni. Fl-aktar diskussjoni reċenti ta’ livell għoli fit-8 ta’ Mejju 2023, il-Kummissarju Johansson u r-rappreżentanti ta’ livell għoli mill-Istati Membri ddiskutew kwistjonijiet strateġiċi dwar il-perkorsi legali għall-protezzjoni peress li l-Istati Membri qed iħejju l-wegħdiet tagħhom għas-sentejn li ġejjin (2024-2025), li għalihom se jkun disponibbli appoġġ ta’ finanzjament mill-UE.
Appoġġ għall-integrazzjoni fil-komunitajiet lokali
Sfidi
- qgħad
- nuqqas ta’ opportunitajiet edukattivi jew ta’ taħriġ
- interazzjoni soċjali limitata
Integrazzjoni ta’ suċċess
- ta’ benefiċċju għall-persuni ġodda li jaslu u l-komunitajiet lokali
- tagħti eżempju pożittiv dwar kif l-Ewropa tista’ tiġġestixxi l-migrazzjoni billi tibni soċjetajiet miftuħa u reżiljenti
Azzjonijiet
![European partnership for integration](https://commission.europa.eu/sites/default/files/styles/oe_theme_medium_no_crop/public/2020-09/skills_and_talent_icons-04.png?itok=765IY6Hf)
Tiġdid tas-Sħubija Ewropea għall-Integrazzjoni għal kooperazzjoni aktar b’saħħitha mat-trade unions, l-organizzazzjonijiet tal-impjegaturi, il-kmamar tal-kummerċ għall-integrazzjoni permezz tax-xogħol
![view of migrants icon](https://commission.europa.eu/sites/default/files/styles/oe_theme_medium_no_crop/public/2020-09/skills_and_talent_icons-05.png?itok=JggiEg0W)
L-inklużjoni tal-fehmiet tal-migranti fl-iżvilupp tal-politiki permezz ta’ grupp ta’ esperti dedikat li jagħti pariri lill-Kummissjoni.
Dokumenti
Dokumenti assoċjati mal-Pakkett dwar il-Migrazzjoni u l-Ażil