Forbhreathnú
Tá an tAontas Eorpach, ina iomláine, ar an deontóir is mó cabhrach idirnáisiúnta ar domhan. Soláthraíonn sé breis is €50 billiún in aghaidh na bliana chun cuidiú le díothú na bochtaineachta agus chun an fhorbairt dhomhanda a chur chun cinn. Tá sé tiomanta na comhaontuithe idirnáisiúnta maidir le éifeachtacht cabhrach a chur chun feidhme agus bheith cuntasach os comhair na ndaoine sin nach mbeadh aon tionscnamh dlúthpháirtíochta indéanta dá n-uireasa, is é sin saoránaigh an Aontais.
EU Aid Explorer
Uirlis ghréasáin uathúil is ea EU Aid Explorer a chuireann sonraí soiléire iomlána cruinne ar fáil faoin gcabhair forbartha agus dhaonnúil a thugann an tAontas Eorpach ar fud an domhain. Baintear úsáid as léarscáileanna agus as graif chun a léiriú cá bhfuil na deontóirí ag gníomhú, cé mhéad cúnaimh a fhaigheann earnálacha agus tíortha áirithe agus cén t-athrú a thagann ar an gcistiú le himeacht ama.
EDRIS
Bunachar sonraí is ea EDRIS (an Córas Eorpach don Fhreagairt ar Éigeandálaí agus ar Thubaistí) ina bhfuil mioneolas faoi mhaoiniú cabhrach. Is é an Coimisiún Eorpach a bhainistíonn é, agus nuashonraíonn Ballstáit an Aontais go díreach é.
An córas trédhearcachta airgeadais
Is éard atá sa Chóras Trédhearcachta Airgeadais bunachar sonraí ina bhfuil ainmneacha na dtairbhithe a fuair maoiniú ón gCoimisiún, de réir bliana. Ní fhoilsítear ann ach ainmneacha iad siúd a fuair maoiniú ó chistí de chuid an Aontais atá faoi bhainistiú an Choimisiún, agus ón gCiste Eorpach Forbraíochta.