Awtorità għat-Tħejjija u għar-Rispons f’Każ ta’ Emerġenza tas-Saħħa

Responsabbiltajiet

Il-missjoni tad-dipartiment għat-Tħejjija u għar-Rispons f'Każ ta' Emerġenza tas-Saħħa (HERA) hija li jipprevjeni, jidentifika u jirreaġixxi malajr għall-emerġenzi tas-saħħa.

Il-HERA, maħluqa wara l-pandemija tal-COVID-19, se tantiċipa theddid u kriżijiet potenzjali tas-saħħa permezz tal-ġbir tal-intelliġenza u l-bini tal-kapaċitajiet meħtieġa ta’ rispons.

Meta tinqala’ emerġenza, il-HERA se tiżgura l-iżvilupp, il-produzzjoni u d-distribuzzjoni tal-mediċini, tal-vaċċini u tal-kontromiżuri mediċi oħra – bħal ingwanti u maskri – li kienu ta’ spiss nieqsa matul l-ewwel fażi tar-rispons għall-pandemija tal-COVID-19.

Il-HERA hija pilastru ewlieni tal-Unjoni Ewropea tas-Saħħa mħabbra mill-President von der Leyen fid-diskors tagħha dwar l-Istat tal-Unjoni tal-2021 u se timla lakuna fir-rispons u t-tħejjija tal-UE għall-emerġenzi tas-saħħa.

Il-HERA tnediet bħala Direttorat Ġenerali ġdid tal-Kummissjoni Ewropea fis-16 ta’ Settembru 2021.

Il-HERA twettaq il-politiki tal-Kummissjoni relatati ma’:

Saħħa pubblika

Pjanijiet u rapporti

Programm ta’ ħidma tal-Kummissjoni - ħarsa ġenerali lejn ir-riżultati tal-istituzzjoni kollha għas-sena kurrenti