Il-Ftehim bejn l-UE u r-Renju Unit għall-kooperazzjoni dwar l-użi sikuri u paċifiċi tal-enerġija nukleari huwa t-tielet ftehim minbarra l-Ftehim ta’ Kummerċ u Kooperazzjoni bejn l-UE u r-Renju Unit u l-Ftehim dwar is-Sigurtà tal-Informazzjoni bejn l-UE u r-Renju Unit, li ġie nnegozjat matul il-perjodu ta’ tranżizzjoni. Huwa applikabbli proviżorjament mill-1 ta’ Jannar 2021.
Huwa jipprovdi kooperazzjoni wiesgħa dwar użi sikuri u paċifiċi tal-enerġija nukleari, mirfuda minn impenji kemm mill-Euratom kif ukoll mir-Renju Unit biex jikkonformaw mal-obbligi internazzjonali ta’ nonproliferazzjoni u jżommu livell għoli ta’ standards ta’ sikurezza nukleari.
X’jippermetti l-Ftehim bejn l-UE u r-Renju Unit għall-kooperazzjoni dwar l-użi sikuri u paċifiċi tal-enerġija nukleari:
- il-forniment u t-trasferiment ta’ materjal nukleari, materjal mhux nukleari, teknoloġija u tagħmir;
- il-kooperazzjoni fin-negozju u kummerċjali relatati maċ-ċiklu tal-fjuwil nukleari;
- il-kooperazzjoni fl-immaniġġjar sikur ta’ fjuwil użat u skart radjuattiv;
- is-sikurezza nukleari u r-radjuprotezzjoni;
- l-użu ta' isotopi radjuattivi u radjazzjoni fl-agrikoltura, l-industrija u l-mediċina;
- l-esplorazzjoni ġeoloġika u ġeofiżika;
- l-iżvilupp, il-produzzjoni, l-ipproċessar ulterjuri u l-użu tar-riżorsi tal-uranju.
Il-Ftehim jippermetti wkoll kooperazzjoni kontinwa bejn l-UE u r-Renju Unit fl-Iskambju ta’ Informazzjoni Radjoloġika Urġenti tal-Komunità Ewropea (ECURIE) jew il-Pjattaforma Ewropea għall-Iskambju ta’ Data Radjoloġika (EURDEP). Dan se jagħmel in-notifika bikrija u l-informazzjoni radjoloġika affidabbli disponibbli għall-Istati Membri tal-UE u għar-Renju Unit, f’każ ta’ aċċidenti nukleari. Huwa se jippermetti wkoll reazzjonijiet rapidi u kkoordinati għall-emerġenzi radjoloġiċi permezz tal-kondiviżjoni ta’ data f’ħin reali.
Fl-aħħar nett, il-Ftehim bejn l-UE u r-Renju Unit għall-kooperazzjoni dwar l-użi sikuri u paċifiċi tal-enerġija nukleari jinkludi impenn ċar miż-żewġ partijiet biex ma jnaqqsux l-istandards attwali tagħhom tas-sikurezza nukleari, kif ukoll impenn konġunt għall-kooperazzjoni internazzjonali biex tiġi żgurata l-implimentazzjoni, u jiġi promoss it-titjib tal-istandards internazzjonali tas-sikurezza nukleari.
- Iddawnlowdjaбългарски
- Iddawnlowdjaespañol
- Iddawnlowdjačeština
- Iddawnlowdjadansk
- IddawnlowdjaDeutsch
- Iddawnlowdjaeesti
- Iddawnlowdjaελληνικά
- IddawnlowdjaEnglish
- Iddawnlowdjafrançais
- IddawnlowdjaGaeilge
- Iddawnlowdjahrvatski
- Iddawnlowdjaitaliano
- Iddawnlowdjalatviešu
- Iddawnlowdjalietuvių
- Iddawnlowdjamagyar
- IddawnlowdjaNederlands
- Iddawnlowdjapolski
- Iddawnlowdjaportuguês
- Iddawnlowdjaromână
- Iddawnlowdjaslovenčina
- Iddawnlowdjaslovenščina
- Iddawnlowdjasuomi
- Iddawnlowdjasvenska