Plean Gníomhaíochta an Aontais um Chumhacht Ghaoithe chun go leanfaidh an chumhacht ghaoithe de bheith rathúil san Eoraip

Tá bearta curtha i láthair ag an gCoimisiún Eorpach chun borradh a chur faoi thionscal cumhachta gaoithe na hEorpa. Chun sprioc an Aontais a bhaint amach, sprioc a éilíonn go mbeidh 42.5% d’fhuinneamh an Aontais in-athnuaite faoi 2030, beidh méadú ollmhór ar an acmhainneacht ghaoithe suiteáilte ag teastáil uainn. Cinnteoidh an plean gníomhaíochta sin go leanfaidh cumhacht ghaoithe de bheith ina scéal rathúil Eorpach. Le chéile, gníomhóidh an Coimisiún, na Ballstáit agus an tionscal i sé phríomhréimse:

1. Cur in úsáid níos tapúla 
2. Dearadh ceant feabhsaithe lena gcinntítear go gcuirtear tionscadail i gcrích go hiomlán agus in am
3. Rochtain ar mhaoiniú
4. Timpeallacht idirnáisiúnta atá cothrom agus iomaíoch
5. Lucht saothair oilte a fhorbairt
6. Obair dhlúth leis an tionscal agus leis na Ballstáit

Tá tuairisc tugtha ag an gCoimisiún freisin ar staid an Aontais Fuinnimh, go háirithe an chaoi ar fhreagair an tAontas go héifeachtach d’armáil na Rúise ar a soláthairtí fuinnimh, trí dhlús a chur leis an aistriú chuig fuinneamh glan, trí sholáthairtí a éagsúlú, agus trí fhuinneamh a shábháil. Cuirtear i dtábhacht sa tuarascáil nach mór don Aontas leanúint d’fhuinneamh inacmhainne, iontaofa agus inrochtana a chinntiú do theaghlaigh agus feabhas a chur ar iomaíochas tionsclaíoch agus eacnamaíoch a thionscail, trí thacú le hinfheistíochtaí i dteicneolaíochtaí glana.

Tuilleadh eolais

An Comhaontú Glas don Eoraip

Fuinneamh gaoithe an Aontais

Bileog eolais faoi chumhacht ghaoithe

Bileog eolais faoin tuarascáil maidir le Staid an Aontais Fuinnimh

Físeán faoi na tograí maidir le cumhacht ghaoithe

Preaseisiúint: Bearta láithreacha leagtha amach ag an gCoimisiún chun tacú le tionscal cumhachta gaoithe na hEorpa

Preaseisiúint: Staid Aontas Fuinnimh an Aontais 2023: Freagairt éifeachtach á tabhairt ag an Aontas ar an ngéarchéim, é ag féachaint ar an todhchaí, agus dlús á chur aige leis an aistriú glas