Leanann an Coimisiún Eorpach de bheith tiomanta do Chlár Oibre 2030. Faoi cheannaireacht an Uachtaráin von der Leyen, tá clár beartais uaillmhianach curtha i láthair ag an gCoimisiún chun an inbhuanaitheacht a bhaint amach san Aontas agus níos faide i gcéin.
Is dlúthchuid de threoirlínte polaitiúla an Uachtaráin iad na Spriocanna Forbartha Inbhuanaithe (SDGanna) agus tá siad i gcroílár an cheaptha beartais maidir le gníomhaíocht inmheánach agus sheachtrach ar fud na n-earnálacha go léir.
Tá cur chun feidhme iomlán Chlár Oibre 2030 na Náisiún Aontaithe ríthábhachtach chun an athléimneacht a neartú agus chun an domhan a ullmhú do thurraingí amach anseo agus muid ag tabhairt faoin aistriú glas agus faoin aistriú digiteacha araon.
Cur chuige iomlánaíoch an Choimisiúin i leith na hinbhuanaitheachta agus na SDGanna
Dhírigh an Coimisiún ar ghníomhaíochtaí nithiúla a chur i gcrích lena mbainfear dul chun cinn nithiúil amach i réimsí na Spriocanna Forbartha Inbhuanaithe (SDGanna). Is é atá i straitéis an Choimisiúin chun na SDGanna a bhaint amach treoirlínte polaitiúla an Uachtaráin agus cláir oibre bhliantúla an Choimisiúin.
Le clár polaitiúil an Uachtaráin déantar na SDGanna a chomhtháthú i dtograí, beartais agus straitéisí uile an Choimisiúin. Tá gach ceann de na 17 SDG mar chuid de cheann amháin nó níos mó de na sé phríomhuaillmhian a fógraíodh i dTreoirlínte Polaitiúla an Uachtaráin von der Leyen mar a léirítear sa léaráid thíos:
“Cur chuige Uile-Rialtais” an Choimisiúin i leith chur chun feidhme na Spriocanna Forbartha Inbhuanaithe
Tá snáithe éagsúla, mar a léirítear sa léaráid thíos, ag gabháil le cur chun feidhme uileghabhálach nó “uile-rialtais” an Choimisiúin nua i leith chur chun feidhme na Spriocanna Forbartha Inbhuanaithe (SDGanna):
Tionscnaimh a ghlac an Coimisiún le linn na chéad bhliana
Is dlúthchuid de chlár polaitiúil an Uachtaráin von der Leyen iad na Spriocanna Forbartha Inbhuanaithe. Rinneadh beartais éagsúla chlaochlaitheacha a chur i láthair le bliain anuas amhail:
- Teachtaireacht maidir le Comhaontú Glas don Eoraip: straitéis nua fáis chun sochaí chóir chuimsitheach rathúil a dhéanamh den Aontas, ina mbeidh geilleagar nua-aimseartha iomaíoch atá bunaithe ar eolas agus tíosach ar acmhainní agus nach mbeidh aon ghlanastaíochtaí gás ceaptha teasa ann faoi 2050; sochaí a dhéanann caipiteal nádúrtha an Aontais a chosaint, a chaomhnú agus a fheabhsú agus a chosnaíonn sláinte agus folláine na saoránach ar rioscaí a bhaineann leis an gcomhshaol.
- Teachtaireacht maidir le Straitéis Bhliantúil 2020 don Fhás Inbhuanaithe lena gcuirtear tús le timthriall faireachais an tSeimeastair Eorpaigh agus an chéad chéim i dtaca leis na Spriocanna Forbartha Inbhuanaithe a chomhtháthú.
- Teachtaireacht maidir leis an bPlean Infheistíochta d’Eoraip Inbhuanaithe: straitéis an Aontais chun borradh a chur faoi mhaoiniú poiblí-príobháideach sna deich mbliana amach romhainn.
- Togra lena mbunaítear an Ciste um Aistriú Cóir.
- Teachtaireacht maidir le hEoraip Shóisialta Láidir d’Aistrithe Córa.
- Teachtaireacht maidir le Todhchaí Dhigiteach na hEorpa a Mhúnlú.
- Togra chun dlí a dhéanamh den chuspóir maidir leis an Aontas a dhéanamh neodrach ó thaobh aeráide de faoi 2050.
- Comhordú ar fhreagairt choiteann na hEorpa ar ráig COVID-19 chun dul i ngleic leis an ngéarchéim sláinte agus an suaitheadh eacnamaíoch seo a mhaolú agus ERAvsCORONA.
- Teachtaireacht maidir le hAontas Comhionannais: Straitéis Comhionannais Inscne 2020-2025.
- Teachtaireacht maidir le Straitéis Thionsclaíoch Nua don Eoraip.
- Plean nua Gníomhaíochta le haghaidh Geilleagar Ciorclach le go mbeadh an Eoraip níos glaine agus níos iomaíche.
- Teachtaireacht maidir le Straitéis bithéagsúlachta an Aontais do 2030.
- Teachtaireacht maidir le straitéis “Ón bhFeirm go dtí an Forc” ar mhaithe le córas bia atá cothrom, sláintiúil agus neamhdhíobhálach don chomhshaol.
- Teachtaireacht Chomhpháirteach agus Plean Gníomhaíochta an Aontais maidir le Cearta an Duine agus leis an Daonlathas 2020-2024.
- Teachtaireacht maidir le Clár Oibre Scileanna don Eoraip i dtaca le hiomaíochas inbhuanaithe, cothroime shóisialta agus athléimneacht.
- Pacáiste le haghaidh cánachas cothrom agus simplí lena n-áirítear Teachtaireacht i dtaca le Plean Gníomhaíochta maidir le cánachas cothrom agus simplí a thacaíonn leis an téarnamh agus Teachtaireacht maidir le Dea-rialachas cánach san Aontas agus níos faide i gcéin.
- Teachtaireacht maidir le Dlús a chur le huaillmhian aeráide na hEorpa 2030: Infheistíocht i dtodhchaí aeráidneodrach ar son leas ár muintire.
- An Comhshocrú Nua maidir le hImirce agus Tearmann agus na tograí reachtacha agus moltaí a ghabhann leis.
- Teachtaireacht maidir leis an Limistéar Eorpach Oideachais a bhaint amach faoi 2025.
- Teachtaireacht maidir le Limistéar Eorpach Taighde nua.
- Togra lena mbunaítear an 8ú Clár Gníomhaíochta don Chomhshaol.
- Teachtaireacht maidir le Rabharta Athchóiriúcháin.
- Teachtaireacht maidir le Straitéis Ceimiceán um an inbhuanaitheacht.
- Togra le haghaidh Treoir maidir le híosphá leordhóthanach san Aontas Eorpach.
SDGanna na Náisiún Aontaithe a bhaint amach
- Delivering on the UN's Sustainable Development Goals – a comprehensive approach [Spriocanna Forbartha Inbhuanaithe na Náisiún Aontaithe a bhaint amach – cur chuige cuimsitheach] – doiciméad inmheánach oibre
- Delivering on the UN's Sustainable Development Goals – a comprehensive approach [Spriocanna Forbartha Inbhuanaithe na Náisiún Aontaithe a bhaint amach – cur chuige cuimsitheach] –bileog eolais