Mí Eorpach na hÉagsúlachta a Cheiliúradh

I mí na Bealtaine gach bliain ó bhí 2020 ann, déanann an tAontas Eorpach Mí na hÉagsúlachta a cheiliúradh leis na hiarrachtaí chun timpeallachtaí comhionanna agus cuimsitheacha a thógáil ar mhaithe le cách a chur chun cinn. De réir staidéar a rinneadh in 2023, measann níos mó ná leath na bhfreagróirí go bhfuil an t-idirdhealú forleathan ina dtír féin. Sa bhreis air sin, dúirt 21% de na freagróirí gur bhraith siad go ndearnadh idirdhealú nó ciapadh orthu féin le bliain anuas.

Le linn Mhí Eorpach na hÉagsúlachta, iarrann an Coimisiún ar chuideachtaí agus ar eagraíochtaí aird a tharraingt ar thábhacht na héagsúlachta agus an chuimsithe san ionad oibre agus sa tsochaí trí shraith imeachtaí agus gníomhaíochtaí a eagrú. Tá níos mó ná 50 imeacht beartaithe sna seachtainí amach romhainn.  

Seoladh Mí Eorpach na hÉagsúlachta 2024 go hoifigiúil ag searmanas an 25 Aibreán, tráth a bhuaigh cathracha agus bardais sa Chróit, san Iodáil, sa tSlóivéin, sa Spáinn agus sa tSualainn Gradaim Phríomhchathracha Ionchuimsithe agus Éagsúlachta na hEorpa. Tugann na Gradaim aitheantas don obair a dhéanann cathracha, bailte nó réigiúin san Aontas Eorpach chun ionchuimsiú a chur chun cinn agus sochaithe atá saor ó idirdhealú a chruthú. Bronnadh an duais óir le haghaidh údaráis áitiúla ina bhfuil níos mó ná 50,000 áitritheoir ar Zagreb na Cróite. An duais óir le haghaidh níos lú ná 50,000 áitritheoir, bronnadh é ar Corbetta na hIodáile, a bhuaigh gradam rogha an phobail freisin.

Tá an comhionannas i gcroílár chlár oibre an Choimisiúin. Tá sé ag obair chun sochaí chuimsitheach agus Aontas an Chomhionannais a thógáil. Tá cúig straitéis agus ghníomhaíocht spriocdhírithe glactha ag an gCoimisiún lena dtreoraítear a chuid oibre i réimsí LADTIA, an chomhionannais inscne, chearta daoine faoi mhíchumas, an fhrithchiníochais agus chomhionannas, cuimsiú agus rannpháirtíocht na Romach.

Tuilleadh eolais

Mí Eorpach na hÉagsúlachta 2024

Cláraigh do ghníomhaíocht do Mhí Eorpach na hÉagsúlachta anois

An Comhionannas agus An Cuimsiú

Preaseisiúint: Tús á chur le Mí Eorpach na hÉagsúlachta le buaiteoirí Ghradaim Phríomhchathracha Ionchuimsithe agus Éagsúlachta na hEorpa 2024

Suirbhé Eorabharaiméadair: An tIdirdhealú san Aontas Eorpach