Tweġiba
Inti għandek id-dritt ta' oġġezzjoni għall-ipproċessar tad-data personali tiegħek u li titlob lill-kumpanija/organizazzjoni biex tieqaf tipproċessa d-data personali tiegħek jekk tkun qed tipproċessaha bil-għan ta':
- kummerċjalizzazzjoni diretta;
- riċerka xjentifika/storika u statistika;
- interess leġittimu tagħhom stess jew meta jwettqu kompitu fl-interess pubbliku/għal awtorità uffiċjali.
Jekk inti toġġezzjona għall-kummerċjalizzazzjoni diretta, il-kumpanija għandha tieqaf tuża d-data tiegħek u tikkonforma mat-talba tiegħek mingħajr ma titlob xi tariffa.
Madankollu, il-kumpanija/l-organizzazzjoni tista' tkompli tipproċessa d-data personali tiegħek, minkejja l-oġġezzjonijiet tiegħek, jekk:
- fil-każ tal-ipproċessar għall-finijiet ta' riċerka xjentifika/storika u statistika, l-ipproċessar huwa meħtieġ biex jitwettaq ta' kompitu għal raġunijiet ta' interess pubbliku;
- fil-każ tal-ipproċessar ibbażat fuq interessi leġittimi jew fuq it-twettiq ta' kompitu fl-interess pubbliku/fl-eżerċizzju ta' awtorità uffiċjali, huma jistgħu jippruvaw li għandhom raġunijiet leġittimi imperattivi li jegħlbu l-interessi, id-drittijiet u l-libertajiet tiegħek. Għalhekk, huwa meħtieġ eżerċizzju ta' bilanċ.
Il-kumpanija għandha tinformak dwar id-dritt ta' oġġezzjoni tiegħek meta l-ewwel jagħmlu kuntatt miegħek.
Eżempju
Inti xtrajt żewġ biljetti biex tara l-band favorita tiegħek iddoqq live mingħand kumpanija tal-biljetti onlajn. Wara, inti tibda tirċievi ħafna reklami għal kunċerti u avvenimenti li m'intix interessat fihom. Inti tinforma lill-kumpanija tas-servizz tal-biljetti onlajn li ma tridx tirċievi aktar materjal ta' reklamar. Il-kumpanija għandha tieqaf tipproċessa d-data tiegħek għall-kummerċjalizzazzjoni diretta u, ftit wara, m'għandekx tibqa' tirċievi posta elettronika mingħandhom. M'għandhomx tħallas għal dan.
Referenzi
Example
You bought two tickets to see your favourite band play live through an online ticketing company. Afterwards, you are bombarded with adverts for concerts and events that you’re not interested in. You inform the online ticketing service company that you don’t want to receive further advertising material. The company should stop processing your personal data for direct marketing and, shortly afterwards, you should no longer receive emails from them. They shouldn’t charge you for this.