Nimmarkaw l-2500 laqgħa tal-Kulleġġ tal-Kummissjoni Ewropea

X’għandhom komuni l-Erasmus, l-Euro, Galileo u Schengen? Kollha huma inizjattivi ikoniċi tal-UE li biddlu t-triq tal-Ewropa. Kollha twieldu wara li l-ewwel ġew miftiehma uffiċjalment mill-Kulleġġ tal-Kummissarji u ġew proposti mill-Kummissjoni Ewropea, matul waħda mil-laqgħat tagħha ta’ kull ġimgħa. Illum niċċelebraw l-avveniment storiku tal-2500 laqgħa ta’ dan it-tip!

Sa mill-ewwel darba f’Jannar 1958, il-laqgħa tal-Kulleġġ tal-Kummissarji kellha rwol integrali fil-proċess leġiżlattiv tal-UE. Huwa fejn il-proposti tal-Kummissjoni jiġu deċiżi kollettivament u jsiru uffiċjali mill-Kummissjoni. Ladarba jintlaħaq qbil dwar il-proposti, dawn jintbagħtu lill-Kunsill tal-UE u lill-Parlament Ewropew għall-eżami u l-adozzjoni.

L-aġenda għal dawn il-laqgħat hi stabbilita mill-President tal-Kummissjoni u hi marbuta mill-qrib mal-programm ta’ ħidma annwali tal-Kummissjoni. Kull punt fuq l-aġenda hu ppreżentat mill-Kummissarju responsabbli għall-qasam ikkonċernat. 

Il-Kulleġġ huwa magħmul mill-President u 26 Kummissarju, li kull wieħed minnhom għandu portafoll magħżul. Kull nhar ta’ Erbgħa filgħodu, jiltaqgħu fi Brussell biex jiddiskutu l-iżviluppi attwali u jadottaw proposti ġodda. Matul is-sessjonijiet plenarji tal-Parlament Ewropew fi Strasburgu, il-laqgħa ssir nhar ta’ Tlieta fi Strasburgu.

Kemm taf dwar il-Kummissjoni Ewropea? Agħmel il-kwiżż tagħna biex issir taf!

Għal aktar informazzjoni

Kif jittieħdu d-deċiżjonijiet fl-UE

It-teħid tad-deċiżjonijiet matul il-laqgħat ta’ kull ġimgħa