Kif jittieħdu d-deċiżjonijiet
Il-leġiżlazzjoni tal-UE hija mfassla biex twassal benefiċċji liċ-ċittadini, lin-negozji u lil partijiet ikkonċernati oħra. Skont l-importanza politika tagħha, inizjattiva hi deċiża matul il-laqgħat ta’ kull ġimgħa tal-Kummissarji, bl-użu tal-proċedura orali, jew bil-proċedura bil-miktub.
It-teħid tad-deċiżjonijiet matul il-laqgħat ta’ kull ġimgħa
Il-Kummissjoni tiltaqa' kull ġimgħa biex tiddiskuti kwestjonijiet politikament sensittivi u tadotta proposti li jkollhom bżonn ftehim permezz tal-proċedura orali.