Dwar it-teħid tad-deċiżjonijiet
Il-politiki u l-liġijiet tal-UE huma ddisinjati bir-reqqa biex iwasslu benefiċċji liċ-ċittadini, lin-negozji u lil partijiet ikkonċernati oħrajn fl-UE. L-għodod ta' regolamentazzjoni aħjar jiżguraw li l-politiki huma bbażati fuq l-evidenza u l-aħjar prattiki disponibbli. Skont il-livell ta’ importanza politika tagħha, inizjattiva jew tiġi miftiehma mill-Kummissjoni matul il-laqgħat ta’ kull ġimgħa tal-Kummissarji, bl-użu tal-proċedura orali, jew bil-proċedura bil-miktub.
Kif tippjana l-Kummissjoni
Qabel ma l-Kummissjoni tipproponi politika jew liġi ġdida, hi:
- tiddeskrivi l-inizjattiva fi pjan direzzjonali jew valutazzjoni tal-impatt tal-bidu
- teżamina l-konsegwenzi ekonomiċi, soċjali u ambjentali potenzjali f’valutazzjoni tal-impatt
- titlob il-kontribut mill-pubbliku u l-partijiet ikkonċernati, pereżempju, permezz ta’ konsultazzjonijiet pubbliċi
Iċ-ċittadini jistgħu jissuġġerixxu politiki jew liġijiet ġodda tal-UE permezz tal-Inizjattiva taċ-ċittadini Ewropej.
Kif jiġu stabbiliti l-prijoritajiet
Ikseb aġġornamenti dwar pjanijiet direzzjonali u konsultazzjonijiet pubbliċi ġodda
Agħtina l-opinjoni tiegħek u pparteċipa f’konsultazzjoni pubblika
Kif tiddeċiedi l-Kummissjoni
Meta l-abbozz tat-test jiġi finalizzat, wara li jitqies l-input kollu riċevut dwar l-inizjattiva, jiġi sottomess għall-konsultazzjoni bejn is-servizzi. Id-dipartimenti kollha rilevanti jiġu kkonsultati.
Skont il-livell ta’ importanza politika tagħha, inizjattiva għal politika jew liġi ġdida jew tiġi miftiehma mill-Kummissjoni matul il-laqgħat ta’ kull ġimgħa tal-Kummissjoni, bl-użu tal-proċedura orali, jew bil-proċedura bil-miktub.
Il-proċedura orali tinvolvi dibattitu u qbil dwar l-inizjattiva mill-Kummissarji.
B’mod alternattiv, il-Kummissarji jistgħu jagħtu l-kunsens tagħhom lil inizjattiva ġdida bil-miktub, bl-użu tal-proċedura bil-miktub. Dan jista’ jsir biss wara l-qbil tad-dipartiment legali u ta’ kwalunkwe dipartiment ikkonsultat matul l-istadju tal-ippjanar u tal-proposti.
L-inizjattiva finalizzata
Skont in-natura tal-att finalizzat tal-Kummissjoni, it-test tal-inizjattiva jista’ jintbagħat kemm lill-Parlament Ewropew u lill-Kunsill, kif ukoll lil dawk li għalihom hi intenzjonata, bħall-pajjiżi membri tal-UE. Tista’ wkoll tiġi ppubblikata f'Il-Ġurnal Uffiċjali tal-UE.
Skopri aktar dwar ir-regoli ta’ proċedura tal-Kummissjoni
Meta hi meħtieġa azzjoni leġiżlattiva
Jekk il-Kummissjoni tiddeċiedi li meħtieġa azzjoni leġiżlattiva, l-inizjattiva se tgħaddi minn numru ta’ fażijiet qabel ma ssir uffiċjalment liġi tal-UE. Il-biċċa l-kbira tal-liġijiet tal-UE huma adottati b’dik li hi magħrufa bħala l-proċedura leġiżlattiva, li tinvolvi l-Parlament Ewropew u l-Kunsill bħala koleġizlaturi.
Skopri aktar dwar il-passi li tgħaddi minnhom inizjattiva matul il-proċess tat-tfassil tal-liġi tal-UE, jew agħti feedback dwar l-inizjattivi tal-Kummissjoni.
Il-Kummissjoni timmonitorja u tinforza
Il-Kummissjoni timmonitorja jekk il-pajjiżi membri humiex japplikaw il-liġi tal-UE kif suppost (inkluża t-traspożizzjoni fil-liġi nazzjonali) u tista' tibda proċedura ta' ksur jekk ma jagħmlux dan. Il-kumpaniji għandhom jirrispettaw il-liġijiet tal-UE dwar il-kompetizzjoni, u jekk jiksruhom – pereżempju billi jiffurmaw kartelli – il-Kummissjoni tista' tinvestiga u timponi multi.
Ressaq ilment
Jekk taħseb li pajjiż jew kumpanija tal-UE mhix qed tapplika l-liġi tal-UE b'mod korrett, tista’ tissottometti lment.
Il-Kummissjoni tevalwa u ttejjeb
Il-Kummissjoni tevalwa kontinwament biex ittejjeb il-politiki u l-liġijiet, biex jiksbu l-objettivi tagħhom bl-aktar mod effiċjenti u effettiv possibbli.
REFIT - Nagħmlu l-liġi tal-UE aktar sempliċi u irħas
Ippjanar ta' evalwazzjonijiet
L-evalwazzjonijiet li ġejjin huma kkomunikati lill-pubbliku permezz ta' pjanijiet direzzjonali ta' evalwazzjonijiet.