(1)

An 30 Meitheamh 2020, ghlac an Chomhairle Moladh (AE) 2020/912 maidir leis an srian sealadach ar thaisteal neamhriachtanach isteach san Aontas agus maidir leis an bhféidearthacht deireadh a chur leis an srian sin (1).

(2)

Ó shin i leith, tá feabhas mór tagtha ar an staid eipidéimeolaíoch de bharr go bhfuil ag méadú ar an nglacadh vacsaínithe ar fud an domhain, agus vacsaíní ann a fhágann go mbíonn ardleibhéal cosanta ann ar chásanna de ghalair thromchúiseacha agus ar an mbás, sin agus de bharr scaipeadh na n-athraitheach Omicron BA.4 agus BA.5, athraithigh atá tagtha i dtreis ó bhí mí Iúil 2022 ann, agus arb iondúil dá gcuid iarmhairtí gan bheith chomh tromchúiseach leis na hiarmhairtí a bhain leis na hathraithigh Delta a bhí ann roimhe seo.

(3)

Dá bhrí sin, i bhfianaise na staide eipidéimeolaíche atá ann faoi láthair agus na staide eipidéimeolaíche a mheastar a bheidh ann amach anseo, dealraíonn sé gurb iomchuí a mholadh go mbainfí na srianta ar thaisteal isteach san Aontas. Na Ballstáit agus na tíortha ar fad a bhfuil feidhm ag acquis Schengen maidir leo, rinne siad na srianta sin a aisghairm cheana féin le linn an tsamhraidh.

(4)

In Iarscríbhinn I a ghabhann le Moladh (AE) 2020/912, tugadh isteach, i measc nithe eile, liosta de na tríú tíortha sin, de réigiúin speisialta riaracháin, agus d’eintitis agus údaráis chríochacha eile (“tríú tíortha nó réigiúin”) a chomhlíonann na critéir eipidéimeolaíocha a leagtar amach sa Mholadh sin agus a bhféadfaí deireadh a chur dá réir leis an srian ar thaisteal neamhriachtanach isteach san Aontas. I bhfianaise mhaolú na srianta, níl gá leis an liosta sin a thuilleadh agus ba cheart, dá bhrí sin, é a aisghairm.

(5)

Mar sin féin, tá an víreas SARS-CoV-2 fós ag scaipeadh leis. Dá bhrí sin, ba cheart do na Ballstáit a bheith réidh chun gníomhú ar bhealach comhordaithe comhréireach sa chás go rachadh an staid eipidéimeolaíoch go mór in olcas, agus ar na cúinsí a d’fhéadfadh a bheith i gceist leis sin tá teacht chun cinn athraithigh nua ar díol imní nó spéise é.

(6)

Sa chás áirithe go rachadh an staid eipidéimeolaíoch i dtríú tír nó réigiún go mór in olcas, ba cheart do na Ballstáit, nuair is gá, an taisteal neamhriachtanach a theorannú seachas i gcás daoine a bheadh vacsaínithe nó tar éis téarnamh, nó a mbeadh toradh diúltach ar Thástáil Aimpliúcháin Aigéid Núicléasaigh (NAAT) a bheadh déanta orthu laistigh de 72 uair an chloig roimh dóibh imeacht. Níor cheart go gcuirfeadh sé sin cosc ar na Ballstáit bearta breise a dhéanamh ar theacht isteach do dhaoine, na nithe seo a leanas, cuir i gcás – tástáil bhreise, féinleithlisiú, nó coraintín.

(7)

Aon uair a thabharfaidh Ballstát srianta a bhaineann le COVID-19 isteach i gcomhréir le Moladh 2022/107 ón gComhairle (2), ba cheart do na Ballstáit comhordú a dhéanamh, laistigh de struchtúir na Comhairle agus i ndlúthchomhar leis an gCoimisiún agus leis an Lárionad Eorpach um Ghalair a Chosc agus a Rialú (ECDC) agus leis an gCoiste Slándála Sláinte, d’fhonn a chinneadh ar cheart srianta den chineál céanna a thabhairt isteach maidir le taisteal ó thríú tíortha chuig na Ballstáit. Ba cheart faisnéis faoi aon bhearta nua a fhoilsiú a luaithe is féidir agus, mar riail ghinearálta, ar a laghad 48 uair an chloig sula dtiocfaidh siad i bhfeidhm, agus é á chur san áireamh go bhfuil gá le solúbthacht áirithe le haghaidh éigeandálaí eipidéimeolaíocha.

(8)

Sa chomhthéacs sin, ba cheart Deimhniú Digiteach COVID an Aontais, arna bhunú le Rialacháin (AE) 2021/953 ó Pharlaimint na hEorpa agus ón gComhairle (3) agus (AE) 2021/954 ó Pharlaimint na hEorpa agus ón gComhairle (4), a úsáid i gcónaí mar phointe tagartha chun vacsaíniú, téarnamh agus tástáil a chruthú. Ba cheart a chumhdach leis sin freisin deimhnithe arna n-eisiúint ag tríú tíortha a chumhdaítear le cinneadh cur chun feidhme arna ghlacadh de bhun Airteagal 3(10) nó Airteagal 8(2) de Rialachán (AE) 2021/953.

(9)

Thairis sin, nuair a thagann athraitheach ar díol imní nó spéise é chun cinn i dtríú tír nó réigiún, ba cheart an deis a bheith ag na Ballstáit fós bearta práinneacha, solúbtha a bhfuil teorainn ama leo a dhéanamh ar bhealach comhordaithe chun moill a chur ar theacht isteach an athraithigh sin ar díol imní nó spéise é, agus chun ullmhú dá theacht isteach.

(10)

Ba cheart foráil a dhéanamh sa Mholadh seo freisin maidir leis na díolúintí is gá ó shrianta ar thaisteal ó thríú tíortha chuig na Ballstáit. Daoine atá ag taisteal de bharr riachtanais nó feidhm ríthábhachtach, ba cheart cead a bheith acu taisteal chuig na Ballstáit agus chuig tíortha eile a bhfuil feidhm ag acquis Schengen maidir leo i gcás ina mbeidh feidhm ag an gcoscán éigeandála freisin. Chun na críche sin, ba cheart liosta na dtaistealaithe riachtanacha a oiriúnú ionas nach mbeidh san áireamh ann ach na daoine sin nach mór dóibh a bheith in ann taisteal fiú i gcásanna den sórt sin.

(11)

Ar an gcaoi chéanna, saoránaigh den Aontas agus náisiúnaigh tríú tír atá ina gcónaí go dleathach san Aontas, ba cheart iadsan a bheith in ann filleadh ar Bhallstát a náisiúntachta nó a gcónaithe i gcónaí, ach féadfaidh sé go mbeidh siad faoi réir beart ar theacht isteach dóibh. Níor cheart a cheangal ar leanaí faoi bhun 12 bhliain d’aois cruthúnas vacsaínithe, téarnaimh nó tástála a bheith ina seilbh acu.

(12)

I gcomhréir le hAirteagail 1 agus 2 de Phrótacal Uimh. 22 maidir le seasamh na Danmhairge, seasamh atá i gceangal leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh, níl an Danmhairg rannpháirteach i nglacadh an Mholta seo. Ós rud é go gcuireann an Moladh seo le acquis Schengen, ba cheart don Danmhairg, i gcomhréir le hAirteagal 4 den Phrótacal sin, a chinneadh an gcuirfidh sí an Moladh seo chun feidhme, laistigh de thréimhse 6 mhí tar éis don Chomhairle cinneadh a dhéanamh maidir leis an Moladh céanna.

(13)

Is é atá sa Mholadh seo forbairt ar fhorálacha acquis Schengen nach bhfuil Éire rannpháirteach iontu, i gcomhréir le Cinneadh 2002/192/CE ón gComhairle (5). Dá bhrí sin, níl Éire rannpháirteach ina ghlacadh agus níl sí faoi réir a chur i bhfeidhm.

(14)

Maidir leis an Íoslainn agus leis an Iorua, is é atá sa Mholadh seo forbairt ar na forálacha de acquis Schengen, de réir bhrí an Chomhaontaithe arna thabhairt i gcrích ag Comhairle an Aontais Eorpaigh agus Poblacht na hÍoslainne agus Ríocht na hIorua maidir le comhlachas an dá thír sin le acquis Schengen a chur chun feidhme (6), a chur i bhfeidhm agus a fhorbairt, ar forálacha iad a thagann faoi réim an réimse dá dtagraítear in Airteagal 1, pointe A, de Chinneadh 1999/437/CE ón gComhairle (7).

(15)

Maidir leis an Eilvéis, is éard atá sa Mholadh seo forbairt ar na forálacha de acquis Schengen, de réir bhrí an Chomhaontaithe arna thabhairt i gcrích idir an tAontas Eorpach, an Comhphobal Eorpach agus Cónaidhm na hEilvéise maidir le comhlachas Chónaidhm na hEilvéise le acquis Schengen a chur chun feidhme, a chur i bhfeidhm agus a fhorbairt (8), ar forálacha iad a thagann faoi réim an réimse dá dtagraítear in Airteagal 1, pointe A, de Chinneadh 1999/437/CE, arna léamh i gcomhar le hAirteagal 3 de Chinneadh 2008/146/CE ón gComhairle (9).

(16)

Maidir le Lichtinstéin, is éard atá sa Mholadh seo forbairt ar na forálacha de acquis Schengen, de réir bhrí an Phrótacail idir an tAontas Eorpach, an Comhphobal Eorpach, Cónaidhm na hEilvéise agus Prionsacht Lichtinstéin i ndáil le haontachas Phrionsacht Lichtinstéin leis an gComhaontú idir an tAontas Eorpach, an Comhphobal Eorpach agus Cónaidhm na hEilvéise maidir le comhlachas Chónaidhm na hEilvéise le acquis Schengen (10) a chur chun feidhme, a chur i bhfeidhm agus a fhorbairt, ar forálacha iad a thagann faoi réim an réimse dá dtagraítear in Airteagal 1, pointe A, de Chinneadh 1999/437/CE arna léamh i gcomhar le hAirteagal 3s de Chinneadh 2011/350/AE ón gComhairle (11).

(17)

Ba cheart do na Ballstáit ar fad, ar mhaithe le feidhmiú cuí limistéar Schengen, cinneadh a dhéanamh ar bhealach comhordaithe maidir le haon srian ar thaisteal neamhriachtanach isteach san Aontas a thabhairt isteach arís,

(1)

(2)

(3)

(4)

(5)

(6)

(7)

(8)

(9)

(10)

(11)

(12)

(13)

(14)

(15)

(16)

(17)

Sa chás nach mbeadh Deimhniú Digiteach COVID bailí de chuid an Aontais ina seilbh ag na daoine sin, d’fhéadfadh sé go mbeidís faoi réir na mbeart breise a luaitear faoi phointe 7 ar theacht isteach dóibh.

(18)

(19)

(20)

(21)